أبو عبد الله مسموم ( قصيدة كعده في إستشهاد الصادق عليه السلام )

بسم الله الرحمن الرحيم
اللهم صل على محمد وآل محمد وعجل فرجهم

أبو عبد الله مسموم ( گعــــده )
يمكن قراءة هذه القصيده بنفس طور قصيدة ( آني أم البنين إو دهري ذبني ) التي قرأها المرحوم حمزه الزغير
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
حگنـــه اليوم لو نــُنصب عزانه === جعفــــر غاب بحزانه إو جفانه
أبو عبد الله مسموم === سـَمّوه النواصب
ـــــــــــــــــــــــــــــــــــــــ
بالعلم أبحر أبو موسى إو فتح آفاق مــِنـــّه
ظــَلــّت الطــُلاّب تروي المعرفه والخير عـَنـــّه
هذا إبن خير البشر وإبنوره محظوظين إحنـــَه
معصوم من كــُل الزلل == حارب إمامي أهل الدجل
من حيدره علمه نهل == معرفــــــة مولاي جــَنــّه
بأسرار العلم مولانه أبحــر === علمه من علي الكرار حيدر
علمه صار موسـوم === سـَمّوه النواصب
ــــ
خير للدنيه إو أمان إمن اللظه جعفر إمامي
للبقيع اليوم أبعث للولي الصادق سلامي
عاشگ إو حـُبـّه مله روحي إلمــُصابه گلبي دامي
لازم أواسي فاطمــــــــــه == والمــُرتضه حامي الحمه
وأرفع عزائي للسمه == والنبــــي يسمع كلامي
أعداء العلم نكروه جعفر === سـَمّوه إبحقد راكبهم الشر
حقدهم لاح معلوم === سـَمّوه النواصب
ــــ
صادق الأقوال جعفر سادس العتره الشريفه
واجه أرباب الكفر وإتـــْعـَرّض الهجمه عنيفه
منهج الصادق شرف عالي إو طريقه ما أعيفه
شيعي إمامي إو جعفري == بالحـــــــــق ينادي منبري
كـُل مـَنْ عليـــّه يفتري == للنواصب آني أضيفــــــــــه
أوالي المـُصطفه وأولاده الأطهار === وأذكــــر جعفر الحاويها الأسرار
ما أنساه للدوم === سـَمّوه النواصب
ـــــ
يا إمامي كــَفــّرونه إو حــَلـّلوا دمنه النواصب
بس ثبتنه إو ما تركنه منهجك رغم النوايب
بالصبر نادينه والينه الشهم وينك يغايب
وينك تنادي شيعتك == إنهض تريدك رايتك
وإحنه جنود إلنصرتك == من إله الكون غالب
وينك ننتظر يومك نعاتــــــــــب === تــَحـَمـّلنــَه إبصبر سيل المصايب
نـــِشـَيــّع جعفر اليوم === سـَمّوه النواصب
ــــــ
واجب إعلينه الحزن بمصاب أبو موسى ولينه
لازم إنواسي الزچيـــّه فاطمه الزهره الحزينه
لازم إنقيم المآتم للولي نرفع إدينه
غصباً عليه الناصبي == نحيي ذكر أهل النبي
وإنسر گلب ذاك الأبي == منتظرنـــه إتشوف عينه
ننطيه العهد للدوم نــِتــْنـــــــاه === نريد إنشوف يومه إو فيض يمناه
نلعن فعلة إلگــوم === سـَمّوه النواصب
ـــــ
ياعلي سيفك نريده إبأيد مهدينه يشهره
ينهض الوالي إو يجي وإنشوفه والمأتم يحضره
ما يظل مهموم والباطل يزيله إو نمشي بأمره
وإيقيمه للحق والعــــــدل
نوره على الدنيه يـِهـِـــل
نعمه الولي إعلينه تــِحـِل
وإحنه نعينه إو نبتهــــِل
ننصب مآتم تــِتــّصـــــِل
ما نخاف إو ننصب المأتم على تربة ولينه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dld3vr39398.mp3.html