هوسات للامام العباس ع اقول؟

شنهي السر من رب الجلاله وحبه للعباس
خلاله كرامه ورايه بــــــــــــــــين الناس
لان ضحه بجـــــفوفه بعينه دك ألساس
ونصب رايته عالكـــــــفر والارجــــاس
لليوم ترف هاي الرايه

ياسر الجلاله اللي شغل صوبين
محتار الدليل ويسال الماشين
شفت اقماره كثر ماملتي العين
نورك يبو فاضل هو نور حسين
ومن نوره هالعالم ضوه

وبعد أنوب أناشد وألكلب ماجور
عن جمرة البينه الوجت بعاشور
جم خميه احركت هدمت اكبر سور
واجفوف الكمر مكطوعه والناطور
وجفوفه شلون مكطعيها ..عباس اوله وتاليها

رجع ظعن السبايا والعليل وياه
منحي الظهر يبجي ورايته بيمناه
يصيح الرايه للعباس يازينب جبته هناه
مرفوعه ظلت هالرايه

يوم حسين بيه ودع العباس
كال انحنه ظهري وتستمع هالناس
راح ابو الغيره يزينب جاسب النوماس
وخلافه يازينب همي

زينب نادته ياخويه أيا حسين
ببو فاضل يخويه من فجعني البين
اظل انحب واصحين عالكفيل اسنين
وعيوني اعميه عل الكافل

صاح بصوت ابو السجاد والحاضر سمع صوته
عكب ماظل وحيد حسين تدري شجانت وصيته
اوصي الناس اوصي الاهل كاله كبل موته
انت يالموالي يالتحب حسين اسمع مني توصيته
وصانه خل نحمي المذهب


خادم اهل البيت
ابو علي السعيدي