|
#1
07-20-2012, 11:32 AM
|
||||||||||
|
||||||||||
وفاة الامام علي ع -- تجليبه -- زينب والحزن صوبني ثاني صواب
----------------- تجليبه
-------- زيبنب والحزن صوبني ثاني اصواب فگد امي امس واليوم داحي الباب -------------- يتيمه امن الزغر بالحزن متگبعه ولا فديوم عيني اتفارگ الدمعه بالزهره وفگدها اسنين متروعه لساعه جرحها بالگلب ماطاب ------------------ ماطاب الجرح خزًن عله الزهره غابت والغياب ابروحي چالجمره والنوبه ابويه ابهامته الطبره يفجعني مصابه المامثيله امصاب ----------------------- مصاب اللي عليه ماتحمله الروح لاعيسى وموسى ولايحمله نوح عرش الله ارتعش وارتعش حتى اللوح ونور البلسمه من هالمصيبه غاب ---------------------- غاب النور من هامة علي انصابت وشمس ذاك النهار امن الافق غابت عمت عين المنيه شلون ماهابت ولا منه استحت من سجد بالمحراب ---------------------------- بالمحراب ماتمم سجدته وطاح رج الكون جبرائيل لمن صاح بيًه شظل بعد من ايدي حيدر راح عسى ابراسي طبرته ولاعلي ينصاب ------------------------ من الباب اعاين مسجد الكوفه لن عيني لبويه امصوب اتشوفه دمه اعله الوجه والوانه مخطوفه الشيباته الشريفه دمه صار اخضاب ----------------------- جرحه ماشفه من شدة اصوابه ابن ملجم عجيبه اشلون ماهابه اثاري السيف مسموم الذي صابه امن افراش المنيه ايگوم ظني خاب -------------------------- خاب الظن فگدنه الچان هيبتنه ماتنفع بعد لودمه دمعتنه شيفيد البچي شتفيد حسرتنه واظل عگبه يتيمه ماحسبت احساب ---------------------- اللهم ارزقنا شفاعة امير المؤمنين علي بن ابي طالب عليه السلام سيد عدنان الحمامي 
|
| مواقع النشر (المفضلة) |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض الشجري
|
|
|
|