مناجات الى الله تعالى -- البيتك وبذنوب ياربي اجيت

البيتك وبذنوبي ياربي اجيت -- العفو والغفران يم بابك لكيت
===
انته ترحم يارحيم وياصمد -- وماكو غيرك غير بس هوه انعبد
يا الاهي ابد ما ايس ابد -- برحمتك ترحمني مايوم النسيت
====
آنه مذنب واعترف عندي ذنوب – وادري تغفر يالاهي لليتوب
ستر رايد ونته ستار العيوب -- استرني ياربي ونا ابذنبي ابتليت
===
يا الاهي انته ماغيرك رحيم – عبدك العاصي اجه يمك يقيم
عفو منك رايد وانته الكريم -- بعطفك آنه شكثر ياربي نجيت
====
الوالد ايعود الك ربي وماولد -- وآنه عندي اذنوب ما الهن عدد
ربي لحمي وعظمي بوجودك شهد – الك اشكي الغيرك آنه ماشكيت
====
مبتلي من المعاصي مبتلي - بغير عطفك همي ماظن ينجلي
انجان متنجيني ربي من الي -- ونته جم عاصي يربي اعليه عفيت
===
ياعفو ياحيّ يقيوم وكريم – يمن تغفر حتى للذنب العظيم
انته بالسر انته بالنجوى عليم – ارحم ادموعي الك نادم بجيت
==
يالاهي ابجاه هادينه الرسول -- وبضعته فاطمه زهراء البتول
تجلي كل اهمومي وذنوبي تزول -- وخلي دوم ابذكرك آنه اشما حييت
==
سيد عدنان الحمامي
الرادود