سابع احزان العتره - الامام الكاظم -ع-

سابع احزان العتره --- خبرني ياابن الزهره --- مسموم وتسجب عبره
جاوبني ياابن احسين
*
جاوبني بسؤالي يخاطب القضبان --- عن سيرة امام بقبضة السجان
حجب نور الشمس لارحمه لااحسان--- يمن سجنك فجع روح الانس والجان
واقيودك تروي الاخبار --- واتبين كل الاسرار --- ضلت لليوم الاثار
جاوبني ياابن احسين
*
ترجيتك دمع يحمل خطه اترابك --- بطوامير الظلم ما اسمع جوابك
شفت صوتي انحجب لواوصل اعتابك --- يهز ذاتي وكياني من اذكرامصابك
امفوض للخالق امري --- ياسلوةروحي وصبري --- تاخذني دموعي وتجري
جاوبني ياابن احسين
*
شواهد لحظه تدركني وتموت انفاس --- الذنب ما ينحصي بيا وحده يامقياس
انه الشايل ذنوب من الجدم للراس --- واعرفك بالشدد غايه ومرام الناس
بيك وللباري اتقرب --- راهب للعتره اتنصب --- للوادم حاجه ومطلب
جاوبني ياابن احسين
*
انه محمل شليل من الحزن والهم --- اقدمه اعله الجسر لوانصب الماتم
اذا اوصف مرارة هالزمن اظلم --- اكوم وانتفض وا مكابر اتكلم
جم ظالم وجم مظلوم --- والظالم اصبح محكوم ---بعين الاله القيوم
جاوبني ياابن احسين
*
انه الراسم نعش فوك الجسر بهموم --- واكلك يا نعش هلبت اليه اتكوم
اذكرك بالرضا الليله بزمانه ايحوم --- يلم جم لوعه جم حركة جبد مسموم
يحمل مرار الشده --- ومعروف الكاظم عهده --- بالسم ومكطع جبده
جاوبني ياابن احسين
*
يجن ليل النوايب وانصب احزاني --- ويراودني الدمع مافارك اجفاني
اريد اعرف نتيجة وحشة اشجاني --- السبب عفتك طريح وينعه وجداني
بجور الرشيد وظلمه --- بذيج السجون الظلمه --- معدن اصلاب العصمه
جاوبني ياابن احسين
*
انجسم كلبي بضريحك مابطل ونه --- واشم ريح الانين ومن احضننه
لبن جعفر نزيل وحاضن الجنه --- لان بيك الفرج ما اكطع الظنه
اتمسك ما اتاخر --- وعنك هيهات اتغير --- بالمحشر لابد تظهر
جاوبني ياابن احسين
*
الحاج سامي الكعبي
10-5-2011