|
#1
12-09-2021, 07:29 AM
|
||||||||||
|
||||||||||
.. گعده.. غياب عن العين.. وين انتوا يحبابي
.... گعده للاربعين....
.... المستهل ------- غياب عن العين -- وين انتوا يحبابي رديت آنه امن الشام -- وبجمرة امصابي گومو يخوتي گومو نشدوني ياهظم شفته او ظيم بعيوني ------------------ گوموا يهل الرحم گوموا هاي اختكم هظم بيها ردت ابياحال ردت عگب محنتها وسبيها ادموع بجفون الغريبه والحزن خيم عليها زينب ابيامحنه اجت -- امن الشامت البيها اشتمت نشدوها يالبيكم بخت -- يامصيبه التبچيها چم جرح چم امصاب -- چم نايبه عدها عنكم مشت لاوين -- ليكم شنو الردها مهظومه صاحت گومو لضعوني ياهظم شفته اوظيم بعيوني --------------------- صاحت ابياصوت صاحت اخت مفجوعه بالاخوه زينب آنه لايخوتي وين يالبيكم النخوه من كثر هم العليها عثرت وعالگاع تهوه تراب وبديها شالته -- زينب وگامت شمته للاخو تعرف ريحته -- حسين چان لاخته سلوه زينب يخويه حسين -- تنهظم ياهو الگال عگب الخدر والعز -- شوف اختك ابياحال اعزيزتهم آنه شلون عافوني ياهظم شفته اوظيم بعيوني ------------------ تنظر اهناه چان اخوها حسين ومغسل ابدمه عافته لاراس عنده والطفل عبد الله يمه اتمنت اتشوف الحسين ابلهفة الخوه وتشمه لحسين اهناه عافته -- خياله سحگت جثته واليوم اجت ماشافته -- يالحد تنشد يظمه عافت جسد لاراس -- ومسلبه اثيابه وعالخيم هجمت خيل -- ناس اجت سلابه رادت تخبره غصب مشوني ياهظم شفته وظيم بعيوني --------------------- زينب اوياها اليتامه وكل يتيم انفگد صبره بيهم الينشد يزينب وين ابويه حسين گبره وهاي تنشد عن ابنها تريد تتوسد ابگتره وام جاسم بهذا الوضع -- بحسراتها التچوي الظلع جابت الحنه والشمع -- ورادة بعرسه تخبره يالغبت جاسم وين -- عين امك اربيه يوليدي گوم وشوف -- شوف شجره بيه بالحزن يبني اعداك خلوني ياهظم شفته وظيم بعيوني ---------------- زادت آلام المصايب والبواچي ابحرگه تكثر تنشد الزينب تگلها ابني وينه ام الاكبر ابني ما احمل اغيابه وعالصبر مابعد اگدر صعبه يزينب فرگته -- وروحي تلوج الشوفته اهناه عفت آنه جثته -- ابعيني لساعه المنظر يالاكبر امك هاي -- يبني اجت يمك تشوفك ابلهفه اتريد --- يوليدي وتشمك شمسويه منك يبني حرموني ياهظم شفته وظيم بعيوني -----------سيد عدنان الحمامي. ... من كربلاء الحسين ع وزيارة الاربعين 
|
| مواقع النشر (المفضلة) |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض الشجري
|
|
|
|