|
#1
09-30-2018, 03:31 PM
|
||||||||||
|
||||||||||
استشهاد الزهراء ع -- وكتچ بعد ترحين - يافاطمه يمه
المستهل
.... وكتچ بعد ترحين – يافاطمه يمّه آنه وأخوتي ازغار – نبقه بحزن بالدار .... يايمّه غيرچ من الي – لورحتي عني بعازتچ ليليه أظل – بحسرتي أو وني شلي بحياتي لو عشت – اخذيها مني آنه يتيمة أم صرت – من زغر سني ياجمرة امصابچ – تچويني بغيابچ شيفيدني صبري – يالخذتي كل عمري بدمعة جمر من نار – نبقه بحزن بالدار ....... أمي وألي ردتچ ذخر – خيمه عليه نسمه اشمنچ هوه – يالعشتي بيه أنتي أمان بكل وكت – واگعد أبفيه وشلوني حالي بروحتچ – يمه الزجيه ادري صعب فرگاچ – أخذيني يمّه أوياچ نور وضوه بالبيت – وبحنظچ آنه اربيت زغيرة گلب وأحتار – نبقه بحزن بالدار ....... جرح المفارگ ينلچم – من اذكر اسمچ يظلمني يايمه الوكت – ونتي يظلمچ مطمئن گلبي بشوفتچ – من چنت يمچ وياچ ريت بهل اللحد – يمّه اليظمچ عفتيني ومشيتي – ونتي هوه بريتي يمّه نظر عيني – بحزني تخليني ريت الفلك يندار – نبقه بحزن بالدار ..... يايمّه الحسين وحسن – صدي عليهم سمعيهم بحرگت گلب – يمه بچيهم ترحين عنهم مارضوا – همه شبديهم صبروني وآنه بدمعتي – صبرت بيهم يامصعب الغيبه – وشكبر المصيبه رحتي شنو خطار – نبقه بحزن بالدار ...... مودعه بالله بروحتچ – وخلينه بالهم بسوده الهدوم وهالحزن – يالزهره خيم مو ماي عيني لوبچت – أبچيها من دم اظلم نهاري ابفرگتچ – والدار اظلم خذتي نظر عيني – ايتيمه تخليني ياربي ياستار . نبقه بحزن بالدار شعظم المصاب الصار – نبقه بحزن بالدار ..... من بعد ظيمچ والقهر – هد منچ الحيل باليل ليش انشيعچ – وصيتي باليل ياعلي أحفرلي گبر – والتربته تهيل وعينچ علينه بس تصد – ودموعها اتسيل دفنوچ بالظلمه – مظلومه يايمه ظلمونه هم أوياچ—يالغبتي من دنياچ هالدهر بينه جار – نبقه بحزن بالدار ..... سيد عدنان الحمامي 
|
 |
| مواقع النشر (المفضلة) |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض العادي
|
|
|
|