اليوم الاول من محرم --- تودعني تودعني ---- للمسير --- للمسير

الله يعطيك الف عافيه مولاناااا
وطيب الله انفاسك
واجرك علي اهل البيت ع
الله لا يحرمنااا من كرمكم مولانااا

طيب الله انفاسك سيدنا
وموفق لكل خير بحق الزهراء (ع) المظلومة

لوين بهل الضعن ماشين منواكم
عليله وما اضن اكدر ابليكم
------------------------
عليله ولومشيتو ا من يضل يمي
وحشه الدار احير ابدمعتي وهمي
يبويه اوياك تمشي لو تضل امي
وهم كل اخوتي يرحون وياكم
-----------------------------
اخذوني يبويه اوياكم اخذوني
عليله والدمع لو والف اعيوني
اعيش اشلون بويه شلون تردوني
وكلبي ما بعد بيه حيل فركاكم
==---------------------
وحدي بالحزن بالدار واتنطر
وعيني للدرب يحسين تتفكر
اجيب الصبر كلي امنين واتصبر
ولا بيه ادور حتى الكاكم
-------------------
الكاكم صدك يولا بعد هيهات
وليه ما بعد يرجع زمان الفات
روحي امنين تحمل ها كثر شوغات
لو من شوفكم تحرمني دنياكم
----------------
عمري لابعد بويه عشت يومه
ولا بعدك اضل ابداري مهضومه
مالومه الدمع يحسين مالومه
وحقي لورحت يابويه انعاكم
------------------------
وين بهل السفر والسفر هذا ابعيد
والامي عليه لو رحلتوا اتزيد
ماريد العمر من دونكم ماريد
اسمعه الكربله هالصوت ناداكم
--------------------
ناداكم الصوت الكربله تمشون
شصبر من اودعك والوداع ايهون
اذكروني عليله بويه لا تنسون
وانه لاتضن يابويه انساكم
------------------