زوار جينه عليك..بالمولد نهينيك؟لاامام العصر الحجه عج اقول

زوار جينه عليك ...بالمولد نهنيك
يالغايب المنتصر ...انت امام العصر
بالمولد انهنيك

زوار جينـه الــك..واتعنت بهـل اليـوم
فرحانه ديـرت هلـي..فرحانـه كـل الكـوم
نشعل شموع الفـرح..والفرح بينـه ايـدوم
ندعي النبي المصطفى..وندعي العلي القيـوم
ويانه كلمن صبر...بمولد امام العصر
ومن صبرهم يهديك
الاف الكـم اجـت..بخمس طعش شعبان
تهني حيـدر علـي..شيب واجت نسوان
تحتفل شيعت علـي..بالقـدوه والسفـان
باليوم هـذا انولـد..المهدي الي عنوان

من عنده ناخذ امر...بمولد امام العصر
والمعجزه ايراويك
شعت انوار الفـرح..وامتلت هاي الـدار
طيب ومحنه وحسن..من نسل ابو الاحرار
امه البتـول العلـم..وجده علي الكـرار
هنت الشعيه الامـم..بالامم سابـع جـار
الليله مثل القدر...بمولد امام العصر
ونعادي اليعاديك
ابمولد اعظـم امـل..ومنقذ لهاي النـاس
والفرح بيه نمتلـي..محلاته هل الاحساس
والهـم زال ومشـه..وانطرد كل خنـاس
من ينذكـر حيـدره..وابنه البطل عبـاس
اليوم هل البدر ...بمولد امام العصر
بعمارنه نفديك
لمينه كـل الحـزن..والحال بـدل حـال
محلاته هل بفـرح..والنور صار اهلال
كلبي انتشه ومبتهج..واليجري بيه شلال
راحت قيود الاسـر..وشكد بدينه اغلال
تولاهه كله كسر...بمولد امام العصر
وبسيفه اليحميك
نهج الولايـه بـزغ..وشعت انوار الشمس
بالارض عـم العـدل..ويصير فرق الامـس
ويروح صوت الصدى..ويزيل صوت الهمس
وكلشي الـك يتضـح..شوف وعيان ولمس
ادروس بيه عبر...بمولد امام العصر
ومن بحرهم يرويك


خادم اهل البيت
ابو علي السعيدي