وفاة السجاد ع تجليبه --

اقتباس : المشاركة الأصلية كتبت بواسطة سيد عدنان الحمامي [ مشاهدة المشاركة ]

بسمه تعالى سلام عليكم -- -- تجليبه -- -- عليل وماشفت غير الحزن والهم -- ورماد الخيم ونحور تنزف دم -- عليل ابعلتي ابطف كربله محتار -- التهبت خيمتي وبذيالي تلهب نار لوّن ماعمتي زينب تدفع الاخطار -- عني وآنه حيل امنين الي اتهدم -- حيل امنين وآنه ابخيمتي مطروح -- بفراش المرض بس جسد مابيه روح وابويه واخوتي كل نحر تم مذبوح -- ابخيل ونار لخيامي العدو اتقدم -- لا أگدر اگوم وانهض ابكيفي -- ولامن الغمد اگدر اجر سيفي چان امن العده آخذ بعد حيفي -- واعليهم اسوي انهارهم اظلم -- اظلم صار ذاك اليوم بعيوني -- عليل او بالحبل عدواني چتفوني أشاگف بالسياط الورمن امتوني -- حتى امن الذبح هم ماردت اسلم -- اسلم من رحت مچتوف للكوفه -- وراس حسين عيني امعلگ اتشوفه وعفت جثته العدو امگطعها بسيوفه -- وصدره الشمته فاطمه يتهشم -- يتهشم الخيل السحّگت صدره -- فصلت كل ضلع لحسين وتكسره وعبد الله رضيعه نايم ابكتره -- ذنبه اشچان بيه هالگوم ماترحم -- ماترحم الگوم الهجمت اعلينه -- لبويه حسين حرگوا كل صواوينه بين الموت بين السبي ظلينه -- وبگلوب اليتامه امنصب المأتم -- سيد عدنان الحمامي

بسم الله الرحمن الرحيم
وصل اللهم على محمد وآله الطيبين الطاهرين
السلام علي الحسين وعلى علي بن الحسين وعلى أولاد الحسين وعلى أصحاب الحسين
السلام على المرمل بالدماء ، السلام على المهتوك الخباء ، السلام على خامس أصحاب أهل الكساء ، السلام على غريب الغرباء ، السلام على شهيد الشهداء ، السلام على قتيل الأدعياء ، السلام على ساكن كربلاء ، السلام على من بكته ملائكة السماء
بارك الله فيكم وبميزان اعمالكم الصالحة
أسأل الله ان يحفظكم و يرعاكم و يزيدكم علما و حلما و إيمانا ببركة و سداد محمد و آل محمد
و نسأله ان يرزقنا و إياكم زيارة الامام زين العابدين السجاد في الدنيا وشفاعته في الاخرة بحق محمد و آل محمد