|
#1
11-18-2011, 10:34 AM
|
||||||||||
|
||||||||||
ليلة اهدعش --- ليلة اهدعش -- مذبوح يم مذبوح
المستهل -- مذبوح يم مذبوح -- يابويه وين انروح ليل أهدعش خيم -- بس الجثث والدم -- ياعلي خلصت زلمنه ضامي ذبحوه ويه ضامي وآنه لاخيمه العليّه للستر حرگوا خيامي صوتي بح أمن المصيبه والجفن يابويه دامي چم طفل خيل وتسحگه ابلا رحم وبلا محامي يابويه گوم وشوف -- موت وظمه وبخوف ماظل لنا أمخيم -- بس الجثث والدم -- انفض اترابك يحيدر الكربله أتگوم وتجينه وحدي مابين المصايب ردتّك الحالي تعينه هذا مجرم بويه شفته وراس الحسين ابيمينه وهذا واحد گلي طفّوا بالسهم عباس عينه ردتك تجي وياي -- وتردها خيل اعداي ابخيله العدو اتقدم -- بس الجثث والدم -- بويه والذبحوا أخوتي للخيم بالنار أجونه فرهدوا أول خيمنه ابلا رحم ويسلبونه وآنه بس أدفع وأشاگف بالسياط ايضربونه بويه شتموني أمن أگلهم حيدر الكرار أبونه بس أنخه بويه بيك -- ولا أگدر اوصل ليك صار النهار اظلم -- بس الجثث والدم -- هوه لو عباس أخويه ياعلي حي باقي يمنه من گدر يوصل يحيدر يجسر او يحرگ خيمنه گطعت أچفوفه المنيه الچانت اچفوفه التلمنه ياعلي او عينه رماها الرامي وبسهمه هظمنه ابصرخة گلب عطشان -- ردنه گمر عدنان ابحال الحرم يهتم -- بس الجثث والدم -- ياعلي ايتامي كلها اتطشرت ياهو اليلمها بويه هاي اهناك طفله بحافر الخياله دمها بويه هاي اهناه رضيعه نايمه يم جثة امها بويه واطفالك يحدير عين للجود وعلمها كلها عطاشه وعين -- اتصد بويه للچفين رادت يجيها العم -- بس الجثث والدم -- بويه والحرگوا خيمنه وذبحوا القاسم والاكبر همه سلاّبه اجونه والحرم تلگاها بالبر جيب ماي وخيمه النه من تجي يمنه يحيدر ترضه أدري لا مترضه بين أجانب تبقه خدّر شگ الضريح وگوم -- وخلصنه من هالگوم ليش ابمناحه وهم -- بس الجثث والدم -- -- ابوذيه -- أبونه علي وغيره الشمس من راد ظلم هذا الظلم يحسين من راد احسان أمن النبي ياناس من راد يگوم ويدفن ابن امي الزجيه -- فضلنه ملك للعالم وساده أعله ابو اليمه أشجره وسفه وساده ثلث تيام ما واحد وساده جسم لا راس مرمي اعله الوطيه
|
|
11-18-2011, 10:38 AM
|
#2 | |
 مديــر عام
|
بسمه تعالى
سلام عليكم ----- -- هاي الخيل اجتها الخيل شيردها بعد غيرك الزينب ياعلي اشعدها ---- شعدها ياعلي شعدها بعد زينب أخيام أونار بيها للي غدة تلهب وانته الماعليك النايبه تصعب گوم امن اللحد والكربله اگصدها ------ اگصدها يحيدر وأطوي هاي الگاع زينب رادتك يابا الحسن فزاع تدري امدللة والخدر منها ضاع والعدوان داست ياعلي حدها ----- حدها انداس بس انحور تنزف دم حتى البلمهد ينذبح مايسلم حيل امنين ظل ابزينب اتهدم عگب ذيچ النشامه صفت وحدها ------- وحدها يحيدر بالذعر والخوف حرمه اشحالها عالجثث من اتطوف بس ارماد والدم ياعلي امن اتشوف چازينب گلت الله يساعدها -------- الله ايساعد اخت وشافت اخوتها كلها امذبحه وعالنهر رايتها وچفين الگمر ياعلي الهظمتها راح ابشيمته اللي چان ساندها ----- ساندها اخوها وعافها ابهمها يحيدر گوم گوم ايتامك اتلمها زينب مو عزيزة فاطمه امها ونته بعد يابو حسين والدها ----- والدها وتريدك ياعلي اتريدك ونته امجرب ويوم الحرب عيدك جثه اوراس مابيها بقه اوليدك حتى اثيابه منه العدو جردها ----- جردها وتظل جثه بلايه راس ومن چفه اصبعه گطعته هالناس لاجسام والاكبر ولا عباس عن زينب الهاي الخيل يطردها ------ سيد عدنان الحمامي |
|
|
|
|
12-07-2011, 03:12 PM
|
#4 | |
|
عضو مميز
يازينب
|
طيب الله انفاسكم وادام توفيقكم
|
|
|
اللهم صلِّ على فاطمة وابيها وبعلها وبنيها والسر المستودع فيها عدد مااحاط به علمك
|
|
12-09-2011, 10:42 AM
|
#5 | |
|
عضو مميز
|
كل الشكر والامتنان على روعة بوحـكـ ..
وروعة ـمانــثرت .. وجماليهـ طرحكـ .. دائما متميز في الانتقاء سيدنا سلمت الايداي سلمت من امتساس النارعلى روعه طرحك وكلمات شعرك بما يخص امامنا الباقر نترقب المزيد من جديدك الرائع دمت ودام لنا روعة مواضيعك |
|
|
|
 |
| مواقع النشر (المفضلة) |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض العادي
|
|
|
|