قصيدة القائية ...... لمناسبة وفاة مؤمن قريش أبو طالب عليه السلام

*

قصيدة القائية بحق سيدنا ومولانا أبو طالب أبن عبد المطلب مؤمن قريش وسيدها
الذي ورد في حقه الاثر الشريف (( أن مثله كمثل مؤمن ال فرعون كان يكتم أيمانه وكمثل أصحاب الكهف))
فسلام عليه يوم ولد ويوم توفاه الله ويوم يبعث حيا

بمناسبة وفاته أقدم هذه .......

القصيدة

ياغم الزمان ودوم عثرآته .......... عكس يندار .... ومرادم أبدوراته
يبآري الواطي ويعليه للنجمات ......... ولهل الطيب بس الغدر حالاته
خوان الطبع ..... غدآر ... مايصدﮚ ... ﭽذب حيال ... .. ماضن الوفه أبذآته
سير وياه بس بآلك .... تغمض عين ...... من تغمض ... تتيه بصـﮔـع روجاته
صلف ما يعتذر لوهيج اللـﭽمات ....... دومه أمخالف ..... وماتصفه ساعاته
ويهل الطيب مجفي ومحرب وغنتاب....... وصخي لهل النذآله وتارس أعباته
أريد أمشي أبـﮔفه التاريخ أبحوش بيه ......... وكض أجروحي من أحدي أعله ورقآته
عواصف غيض تطري الروح بيهه أختاض ...... ووتتيه أفكار مني بروج عثراته
شـﮔلب والـﭽـذب تسطير مو بنصاف ..... وكل سطر أنكتب ..... خنجر أبطعنآته
لا تعتب علي .... وتكول ... هم ردييييييييت..... طبع البيك ... خلنه من الخلاف وطآئفياته
خآيب ياخلاف وتدري بالاقلام .....وعلي .... التاريخ زيفت كل رواياته
بسك لا تسطر الجمر عالدلال..... تراهو منترس .... كل ساع شوطاته
أيدي أعله الجرح ثق من أريد أحـﭽـي ........ عن عم النبي ... المشهوره .... وﮔفاته
أبو طالب .... ﭽفيل أو عم عهد برباه ...... وألـــربه أبو .... محسوب برباته
أبو طالب ... علم نوماس للسادات ... تشهدله العقيده بعزم وﮔفاته
أبو طالب ..تراه الدهر ما اعدل ..... جار وياك ..... بين خبث نياته
ألك موقف مشرف ثبت الاسلام .......... وألك رفعة ... ومجد نجهل مقاماته
عجيبه ... عجيبه ... ويكتب التاريخ .... كافر مات ... عابد وثن والشرك أعتقاداته
ﭽـي أنته الشريف المالطخ ثوبه .....بدرن الجاهليه ... وبيضه صفحاته
وﭽـي أنته غصن دوحة خليل الله ...... ومن صلبك طلع بس طيب ثمراته
وﭽـي لنك مشيت أبعدل ويه الناس .... مازليت وغيرك ذيــﭺ زلاته
وﭽـي خذت اليتيم وكتله آنه حماك .....والحمل الثجيل أهله العازاته
وﭽـي ﮔال الشمس بيميني يا عماه .... وبيسآره الــﮔمر مآ أهجر رسآلاته
وﭽـي أبنك علي الجندل فوارسهم ....وغاض أصدورهم حربه ونزآلاته
وليد الكعبه منك صار هالبغضوك ..... ولو صخر وهند صارو.... أشمحلاته
وضنك لوصرت والد ولد مروان .... بيك أطره الصحيح وسن زياراته
عميد البيت ﭽـي انته الاصل للبيت .... واليبغض أصل يبغض فروعاته
يسيد البطحه وسفه الـﮔوم مانصفوك ....ورفيع الشرف مايسلم أبريشاته
حبيناك مولنك أبو حيدر..... لان بيك الجليل أودع فيوضاته
ونشوفك جبل شامخ ما تهزه الريح ....
ونشوفك ﮔمر يطري كل خسوفاته

***********************************

بقلم
محمد ابورغيف