--- للقاسم ع ----ابجي اعله الشباب الماتهنه

-

.....

للقاسم ع

...

المستهل

...

أبچي أعله الشباب الماتهنه

ومابطل الونه

جسام الذي بدمه تحنه

.......

آنه أم الشباب الراح مني --- وعيني ماتشوفه

ظني أنسعد بوليدي ظني – بلحده تالي اعوفه

ليلي شلونه أنامه وماتجيني --- بعيوني طيوفه

شحال ألام بعدها -- لو رادت ولدها

مايرجع بعد تگطع الظنه -- مابطل الونه

......

ربيت اتعبت وأسهر ليالي – أيامه أعدها

كل جهدي أله صبري أويه حيلي – تباري الام ولدها

ذاخرته الي ويسر دليلي – لتعابي يردها

كل تعب الليالي – ضيعته يغالي

أبني أشلون اگول أبتعد عنه – مابطل الونه

........

أمك يالعفتها ليش يبني – فراگك ماتحمله

بثوب أسود حزينه من تذبني – لا لتظنها سهله

مصابك چن سهم يبني ظربني – بگلبي نزف خلّه

گلبي وشيداويه -- ينزف لاتخليه

چبدي أتگطعه شخليت منه – مابطل الونه

.....

يالراضع وفه تخليني وتروح – أمك ياهو الها

يوليدي أخذها شلي بالروح – يالماخذ أملها

خليني بعزايه أعليك والنوح – دموعي ما أملها

أم دفنت عمرها -- ماينفع صبرها

حسباتي التجي الگلبي سلّنه– مابطل الونه

.....

ليّه ماتجي وتعوفني شلون – لو متحن عليّه

راح أعمي عليك وليدي العيون – وأبچي للمنيه

لتظن يالعزيز أفراگك ايهون – يالرحت أمن أديه

أمك لا متنساك -- ريت أبلحدك أوياك

أوليدي من اشوفه گمر چنه -- ومابطل الونه

.......

چنت أمن الهوه اتخوف أعليك – يوليدي أريدك

وبچفوني أخاف أعليك أغطيك – يبني واشم جيدك

حساب أمحسبه امك تهنيك – وتحنيها لايدك

من عرسك يحرموك -- وبدمك يحنوك

أوحيد لمه وبدمه تحنه – مابطل الونه

.......

يوليدي أودعك الله وياك – وجروحي بدليلي

ودموعي جمر يبني أعله فرگاك – لمن يجن ليلي

حرمتني بقائك يبني دنياك -- يالهدمت حيلي

ابني وراح عمره – گلبي بيش أصبره

يسعد أمه أدري بي تمنه – مابطل الونه

...

سيد عدنان الحمامي

........