#1
|
|||||||
|
|||||||
يكلب سافلها وعاليها..لو صاحت زينب واليها
يكلب سافلها وعاليها..لو صاحت زينب واليها
&&& لو صاحت زينب مهظومه..ياعباس اختك مالومه يوم تعنه وطب للحومه..طبلها الموت وحط بيها &&& لو نادت زينب يخواني..وين الكافلني والباراني التمت بالحومه عدواني..خل يحضر سيفه يحاجيها &&& خل يحضر ساقيها العتره..ويشوف الصاير واليجره بكلوب الحبتكم حسره..منهو اليكدرها ايطفيها &&& منهو اليكدر يوصل سورج..يالبينه اشعاع ومن نورج تعرفينه الاصبح ناطورج..اقسم بالحره وباريها &&& اقسم بالحره وكافلكم..اقسم هالشيعي يخدمكم يموت وما يتاخر عنكم..والكوم الكصدت يفنيها &&& لوصاحت عباس الحره..وتنخت تلهج بالزهره بس تشوف تموج الحضره..عباس مودينه اعليها &&& لو يسمعها تنادي اخته..عباس اليوم ورايدته ينهض مايقبل عل السكته..شحده لزينب يدنيها &&& شحده لزينب يدناها..يحميها لو يبقى الواها عباس الرايه من انطاها..هايه الرايه من تحميها &&& راية عباس المعروفه..شالتها بالطف اجفوفه يم زينب ظلت ملفوفه..للقائم هيه تنطيها &&& للقائم تنطيها الرايه..بجفوفه ودمه محنايه هالرايه بااسمه مسمايه..زينب هالرايه مسميها &&& خادم اهل البيت ابوز علي السعيدي |
|
|
|