|
#1
10-29-2015, 08:37 PM
|
||||||||||
|
||||||||||
قصيده گعده -- ثوريه -- ثورة حسين الطغات اتهاب منها
گعده ولائيه
...................... المستهل ........... ثورة حسين الطغات اتهاب منها للسلاطين الذي خرست لسنها للظلم لا ياحسين – صحت ضد الظالمين ........................ هاي ثوره المامثلها هيه بس تتسمه ثوره حررت بيها العبيد وقيد للذله تكسره وصلحت بيها النفوس وصارت الكل طاغي عبره لا للعبوديه اهتفت – هالناس مغبونه اعرفت للظلم وبعينك شفت – ونهظت للحق تنصره ردت حق الناس ماينوخذ منهم ترجع الخيرات من السارق الهم ابعزم ثوري مايلين – صحت ضد للظالمين ___________________________ 2 شفت يحسين المظالم والرعيه تريد ناصر ناس لبست ثوب افعى بالدمه گامت تتاجر وناس ملكت ثروه عظمى والبعض بالعيشه حاير راوونه يحسين العجب – صعدوا عله متون الشعب والذي من عدنه انتخب --- هوه بس الصبح خاسر عالمناصب دم يشربون لاجلها عالكراسي گعدوا او لا مو اهلها ضيعوا جهد السنين – صحت ضد للظالمين .................................. 3 همه بقصور وغواني وناس بالظلمه اعله شمعه وناس بعيون اليتامه تلوج من العوز دمعه وين عادل يصح مثلك يجي الكل طاغي يردعه لابرلماني ينردع – لو اله باليجري ضلع وصوت المظالم ينسمع – وكلمن وحزّب الربعه لاقوانين الذي تحمي الرعيه والذبح يحسين اصبح عالهويه يندعي الكل ثائرين -- صحت ضد الظالمين ......................................... 4 بعد يحسين الجرايم ماگدر يحصيها واحد بين تفخيخ ومذابح واليگول آنه مجاهد بين من روحه يفجر اويه النبي يتعشه رايد لادين عدهم لاورع – يتفننون بهل البدع للحق فلا واحد سمع – ابتكروا افكار وعقايد بالفتاوي نسمع ايكفر اليريده ناس ماعدهم ضمير ولا عقيده همه نفس الجائرين -- صحت ضد الظالمين .................................................. ...... 5 كفروا كلمن يخالف هالفكر ماشفنه مثله ايصير وياهم يعيش المايصير ايكون قتله بالفتاوي الظلمه يفتي للذبح هالفتوه سهله ارهاب لادين الاله --- يذبح بشر بالبسمله هالترثه ترثة حرمله --- للتفاهم ماكو مهله لو ذبح انسان كبّر ياعجيبه هاي عالاسلام دخلوها غريبه عالرعيه معتدين – صحت ضد الظالمين .................................................. ..............6 حالنه حال اليدور بالشليله الراس وينه منصف اعله الكرسي ماكو حتى للواحد يعينه بالرشاوي واختلاسه البعض راكبها السفينه ميهمه حال المجتمع – لاصوت مظلوم انسمع محد الكل سارق ردع – والايادي مو امينه هذا حال اللي عله الكرسي تربع للتخاذل والنفاق بعشره وقع ابد ماشفنه الامين -- للظلم لا ياحسين ........................ سيد عدنان الحمامي 
|
| مواقع النشر (المفضلة) |
«
الموضوع السابق
|
الموضوع التالي
»
العرض الشجري
|
|
|
|