للغدير --- علي علي علي --- من النبي وآله

للغدير
-------


المستهل
-------

علي علي علي من النبي وآله
علي علي علي منصب ويحلاله
عينّه بارينه – أعلنها هادينه
------- 1
الامه تريد ارجال عدها فراسه ---- كل فصل تحوي ايكون من السياسه
صادق وعد فارس طاهر اساسه ---- مو هوه ياهو الچان بكرسي الرئآسه
علي علي علي كل خصله حاويها
-علي علي علي بعدله يداويها
هوه حمه دينه -- اعلنها هادينه
------------------- 2
كرسي الرياسه ايريد واحد مناظل ---- مو سارق وخوان بالشده خاتل
بس حيدر الكرار لوسئل سائل ---- لعبادة الثقلين بضربه يعادل
علي علي علي كل صعبه سهلها
علي علي علي كل مشكله حلها
هوه حمه دينه -- اعلنها هادينه
------------------ 3
حاكم عدل ونصاف الله يريده ---- الكل الرعيه ايكون باسطها ايده
مو بس وعد چذاب يحچي بجريده ---- اليحكم يريد الناس مثل الصميده
علي علي علي طلگ الدنياته
علي علي علي – كل فرض مافاته
رجحت موازينه -- اعلنها هادينه
---------------- 4
كرسي الحكم ماراد كرسي الرئآسي ---- عفظت عنز عنده هاي الكراسي
بقوة الشعب ميريد تحيي الأماسي ---- عنده العداله اتكون شرط الاساسي
علي علي علي نوره فلايطفه
علي علي علي رد الشمس چفه
بالحشر يسقينه -- اعلنها هادينه
----------------5
حير اعقول الناس اصبح خليفه ---- حسدت بغض واحقاد عين الصليفه
الهذا السبب نصبوا ذيچ السقيفه --- - تحارب مسار الدين وناس الشريفه
علي علي علي يكشف نواياهم
علي علي علي بالحيره خلاهم
وبنفسه يفدينه – اعلنها هادينه
-------------------6
بصوت الضمير انصيح صرخة عهدنه ---- مانخلف احنه اوياك هذا وعدنه
بدرب الرسمته انسير كلنه بعدنه ---- ياعلي والولاك طاهر معدنه
علي علي علي منصبك تستاهل
علي علي علي والخاصمك جاهل
عين الامل عينه --- اعلنها هادينه
-----------------
سيد عدنان الحمامي