بالمسموم واسوها

بسم الله الرحمن الرحيم
اللهم صل على محمد وآل محمد وعجل فرجهم

بالمسموم واسوها ( في إستشهاد الأمام علي الهادي عليه السلام)
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
مسموم إبن الزهره === وإعليه نجري العبره
حكيمه اليوم بالمسموم واسوهـــــــا === علي الهادي تركها إو غاب عـَزّوها
ـــــ
أخوها إو بالحزن ظلـّت عليه الـروح == أبو إمحمّد گضه عمره إبسگم مجروح
إخته إو ماهدت بعده تون وإتنوح == بنــــــــي العباس بالمظلوم فجعوها
ــــــــ
بني العباس سمــّوا عاشر العتره == عليه إتنوح أمّه فاطمه الزهــــره
حكيمه إخته تبث آهات وإبحسره == بسامره الجنازه اليوم شـّيـْعوهـــا
ـــــــ
بسامره الولي سـَمّوه ياشيعـــــــه == كـُل شيعي الولاء إبمال مـَيـْبيعـَه
علي الهادي مـُضه إبهليوم تـَشـْييعه == والزهــــــــره تجي إوياكم تشوفوها
ــــــــ
والزهره تجي إوياكم تشـــــب آهــــــات == على الهادي إو گلبها إيذوب بالحسرات
تحضر مأتمه وإتصُب عليه دمعات == شفيعتكــــــــم أبد هيهات تنسوها
ـــــــــــ
شفيعتكم تعــزّوها إبعلي الهـــادي == هذا اليوم تنصب للعزه إتنادي
إبچـوا يامـُحِبـّينـــــي على إولادي == بسامره الوديعه إهناك تلگـوها
ـــــــ
بسامره الوديعـــــــه لازم إتـْحـِضـْرَه == إبنها الراح بالسم يلتهب صدره
تــُوَدْعـَه إبشوگ وإتهل يمّه العبره == أمّــــك سيدي الأشرار بــَچـّوها
ــــــ
أمّك سيــــــدي يلمهـــــدي تنتظــــرك == شنهو الصار كـُلنــَه نـِنـْتظر فجرك
ندري بيك تلهب نار وإبصدرك == أمّك ياأملنه إبجور ظلموهــــا
ـــ
أمّك ياأملنــــــــــه فگــــــــدت الأولاد == گلبها ما برد من كثرة الأحقاد
مأتمها إو عزاها إبكـُل وكت ينعاد == واليوم إبأبوك الهادي لـَوْعوها
ـــــــــ
واليوم النواصب ينشرون الشــر == إظهر ياإمامي ونادي ياحيدر
وإكـسر إيد كـُل مـَنْ عاث وإتـْجـَسّر == رايــــــــات الكفر مولاي رفعوها
ــــــ
رايات الكفر بالشـــــــــــام محمومه == عقيلتكم غريبه إهناك مهضومه
نواياهم غدت معروفه مسمومــــــه == يريدون العقيله اليوم يـِسـْبوها
ــــــــــــــــــــــــــــــــــــــــــــــــــ ـــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.alshiaclubs.com/upload//v...ile=571a6e57e3