كوم ياحيدر علي حاجيهه؟نداء لسيدي ومولاي الامام علي ع اقول

كوم ياحيدر علي حاجيهه
زينب تريدك ترد عليهه


كوم ياحيدرعلي حان الوداع
زينب تنادي ياحلو الطباع
كوم يابوالموزمه علك الشراع
والعقيله بيمن موصيهه

بويه زينب تنادي مكسورة جنح
بويه هذا اليوم يايوم الجرح
ريت لاحل واجاني هالصبح
وابن ملجم عملته مسويهه

ابن ملجم من طبر خير البشر
هاي بيه دروس للعالم عبر
دوت اركان السمه وكلمن حضر
والاملاك اتهل دمع جاريهه

هلت ادموع السمه ودمع اليتيم
من سمع صوت انكتل بيه الكليم
هذا موش امصاب ومصابك اليم
وصاح جبريل بعلي ينعيهه

صاح جبريل وهتف بلب السماء
اليوم حلت نايبه واكبر بلاء
ينتكل خير العمل من اشقياء
اليوم ذكرى ولازم النحييهه

لازم انشد الجرح وي الجروح
وننطي مهجه للفده عنه الروح
نكون عند النايبه بحسن الطموح
ولازم اجروح العده نداويهه

لازم ندواي جروح الكافرين
وننتهل فضل الشهاده من ابوحسين
وينشر علم الولايه بكل يقين
ولازم اعلوم العتره نسكيهه

تنسكي ثورتنه أبماي الحياة
من ابو الحسنين وحسين النجاة
دروس علمنه وبحسن الثباة
بركن حيدر لازم نقويهه



خادم اهل البيت
ابو علي السعيدي