الج يالزهره الزجيه..حزني لحد المنيه لااستشهاد الزهراء ع اقول

الج يالزهره الزجيه..حزني لحد المنيه
حزن يعكوب لبنينه..أبيضت من النوح عينه
وانه مثله بهالمسيه

الج ياحره انادي..سوده الرايه بلادي..تصيح ياويل الاعادي
رايه مسوده وحزينه..ونلطلم بااثنين ادينه
ونرثي الباري بنبيه

لااجلج اليوم السواد..وانعلن النه الحداد..طلعت اتصيح البلاد
تبجي ويانه المدينه..حيل مهمومه وحزينه
اليوم نلطلم عالابيه

انتي يالبيج الشفه..انتي ساس المعرفه.. بعدج الدنيه العفه
بعدج اندار علينه..رادو أنحي ولينه
رادو انخون الوصيه

رادو انخون الامير..ونتركه وياه المصير ونمشي بدرب السعير
نمشي بدروب المهينه..ونترك الوالي وبنينه
ونتركه درب التقيه

نترك اولاية علي..هذا حقد الجاهلي..وكون وياي هلي
نترك الايدي الامينه..ونهج حيدر والسفينه
ونتبعه نهج ال اميه

شلون سنو هالسنن..ذوله اصحاب الفتن..ندري ايدور الزمن
ونكسر اخشوم اللعينه..ذوله اصحاب الظغينه
ذوله ابناء الدعيه

ذوله ارجاس العهد..البلسقيفه وبن سعد..احنه انطينه الوعد
ننتظر طلته يجينه..يحمل باايده جنينه
يطالب بدمه البقيه

خادم اهل البيت
ابو علي السعيدي