كوم يامولاي واتلكه الاجت؟نداء الزوار للامام الحسين ع اقول

كوم يامولاي واتلكه الاجت.. رغم كل تفجير مولاي اعتنت

كوم واتلكه الاجـــت ليكم تزور
لبست الارواح درع عالصدور
وقدمت اجســـاد بمجان النذور
باسم ابو السجاد مولاي انتخت

انتخت مولاي اتعنــــــت تسير
مايهمه شما جره ورايح يصير
ارتبط وياك منــــهجه ومصير
ومايهمه من العده شما حصلت

مايهمه من العده تحي المصاب
ينول اجره اللي اجــاكم للثواب
تنتهل منكم كل هاي الشباب
بجنةالفردوس الشيعه من ارتوت

ارتوت هالشيعه واتعـــــــنت الوف
لكبر ابو السجاد بــس رادت تطوف
توحده لحسين مرصوصه الصفوف
كاصد لكبرك مولاي انحنت

كاصد لعبـــــــــاس من تمشي بالم
وتشكي ظيم الفات بالحسره وندم
من اراضي الروم والعرب وعجم
تبجي هيه تريد وبحضنه ارتمت

تبجي هيه تريد من عنده الجواب
شلون بيه لو حضر يوم الحساب
وانوخذ من عده باليسره الكتاب
وحلت الوحشه والنور انطفت

صارت الوحشه ماكو كل دليل
بس الهموم ونــياحه والعويل
يوم ينكر خل الويــــاه الخليل
والاعمال تروح بس هيه بقت

ذيج ساعه شـــــلون مااظنه تعود
لاان كلشي الصار مسجل عالشهود
بعد ماتكدر تشـــــــــيل انت القيود
غير حبك للولي بيه انتخت

غير حبك يااخو خـــير العباد
اليوم جينه سيدي نلبس سواد
احنه وياكـــــــم علنه هالحداد
وي اهل البيت اليوم تحزمت

خادم اهل البيت
ابو علي السعيدي