كوم ياجسام واحمي الميمنه..يكله عد عيناك يالاكبر انه؟حواريه بين الامام الاكبر والامام القاسم عليهم السلام اقول

كوم ياجسام واحمي الميمنه
يكله عد عيناك يالاكبر انه

من برز شبه النبي وطب للقتال..صاح يجسام حي عالنزال
اليوم هذا اليوم منه لامحال..ومايعود اليوم هذا الا بسنه

صاح صوت ابن الحسن للكافرين..انه عد عيناك ياابن الحسين
وصيت الوالد كل هاي السنين..وكالت ام جسام يايوم المنه

والله والنعمين يالجدك علي..احنه نفس الروح اشبال الولي
والكرب لينه بروحه يبتلي ..قسما بالله والكعبه ومنه

قسما بالله وبدم حيدره..اليوم يالاكبر اذريهم ذره
وارجع بصولات سبع الكنطره..لو نطب اثنينه الجيش انفنه

لو نطب اثنينه يبن الحسن..الا نحركه حرك اهل الفتن
نعيد صولات الفحل ذاك الزمن..وي سيد الكون مايوم انحنه

أي وحك جدك لسوي الماحصل..ايجيب جفنه وياه ويشوف الاجل
يشوف داحي الباب جدامه حمل..والكرب لينه على نفسه جنه

خل يشوف حسين من نحمل سوه..عليهم ايظيك النفس ضاع الهوه
لسكنه جبنه الماي والطفل ارتوه..وخل يعرفونه العليهم من عنه

خلهه تعرف سكنه وتشوف الرباب..اثنين بااهل البيت هل طبو شباب
دارو عالكوم جل يوم الحساب..كصو اركاب الكفر و ابن الزنه

رمله من شافت ابنه الهم حمل..والرباب اتعاين الاكبر نزل
شاف ابن عمه ودمع عينه همل..هزته الغيره عليهم من دنه

شحال زينب ليه من طب الخبر.. ابن اخوه حسين بالسيف انطبر
وخبر من جسام جاها بالاثر..شلون ذيج الساعه حال المؤمنه

علي وي جسام ياعظم المصاب..وابو اليمه ينوح يم رمله ورباب
يصيح هوه بصوت وافولي الشباب..لكن بهل الحال احس ظهره احنه

خادم اهل البيت
ابو علي السعيدي