يزينب من تسأليني..عن ياجرح ماذيني؟ حوار بين العقيله والامام الحسين ع ؟اقو

يزينب من تسأليني..عن ياجرح ماذيني
سهم الصوب العباس..بيه كطع الانفاس
طفه النور من عيني

يزينب يختي ارويلج..عن اهمومي ساعته
سمعت الصوت اليه يصيح..ضاكت بيه دنيته
رحت صوب الاجاني الصوت..تهمل عيني دمعته
دليلي اتفطر وبالحال..وعيني انطفت شمعته

وبحضني حضنت الراس..واصيح بصوت ياعباس
كام الصوت يرثيني

كعدت اكبال اخوي..ودمعي خويه أيسيل
يوم اسمعته يندبني..واسمع بس صهيل الخيل
ثكل جسمي يزينب..وركد مني الحيل
يصيح بصوت ياغالي..وعليه بنظرته ايطيل

من شفته يحرك بالراس..عندي دكت هالاجراس
كلي ادنه وحاجيني

جبت راسي عله راسه..وهمس كال بصوت
وصيتي خويه ابو اليمه..كبل مايدنه ليه الموت
تبلغ زينب وسكنه..وتكله عالخبر بسكوت
تكله وصيت العباس..يوم اعليه خويه تفوت

اله حضرت حراس..جفي ودرع وي الطاس
والهه انذرت جفيني

تركت المشرعه وهالجيت..خويه اهناك خليته
يمه جربتك والجود..ويمه شفت ساريته
انحنى ظهري يخيتي عليه..يوم بصوت ناديته
سمع صوتي وبجه بالحال..وحيل بنحره شميته

خله تحفط الكراس..ام الغيره والنوماس
وبيكم هاليوصيني

غمض جفنه وفاركت ..جسمه يخوي الروح
مثل نوحي يخويه عليه..كامت هالسماء تنوح
وزادت همي وشجوني..وكثرت بالجروح اجروح
عطر زاكي وعبير الريح..منه يختي كام ايفوح

واختلطت وي الانفاس..تصرخ وتنادي العباس
وفاركك حيل يجويتي

خادم اهل البيت
ابو علي السعيدي