|
#1
03-22-2012, 03:01 PM
|
|||||||||
|
|||||||||
يابوية رحت عني / الشاعر حلمي السعد
يابويه رحـت عني وعفتني عفتنـي وبسهم اليتــم والله صبتني صبتني صعب شوفك عليه بقت تصرخ رقيـه * * * غريبه مأسـره يحسيـن نيران الأسـر كلفـه زغيره والدهـــرخَوان عله طيوفك جنت اغفه اذكرنـك واكَول تعـود وليالي الكدر تصفـه مر مرة حلم بالــروح ردت طيفك يمر خطفه ردتك بس حلم خطفه يجيني يجيني يهجع خاطري ويسكن ونيني ونيني حلم بس مر عليه....بقت تصرخ رقيه ************* اغفه ومن لذيذ النــوم احـس طيفك يفززني واصيح بصوت ياعمـه اريدن والدي بحضني اشو تبجي ودمعهه يسيل يابويـــه وتصبرني كَلي شصار الك يحسين تخليني بحزن مضني عنك ناشدت شوما اجـــاني اجاني صدك عني بعد شوفه ونساني نساني ترد لو هاي هيه0000بقت تصرخ رقيه *************** عله دربك شبحت العين حسبالي تجـي للـشام واشمن نحرك وجيــدك ويهجع خاطري وينام ياغالي بغلاة الــروح واغله من النظر تنسام شلون ينام لامــينـام شلون عله السهر ينلام جفني الماغمض محــد يلومه يلومه وعله خدودي بقه ينفض سمومه سمومه دمع شرب الرزيه...بقت تصرخ رقيه ******************* فراشي من التراب يصير وغيوم البراري غـطاي ونوحي وسادتي وهمي وكثر ضيمي وكبر بلاوي شلون بهلهموم الــنوم وانه مـــفاركه سلواي لجلك عاشريت النـوح شوفــك دنيتي ورجواي يالشوفك يساويلي حيــــاتي حياتي وغيابك يالولي برســـم مماتي مماتي انه اتمنى المنيه...بقت تصرخ رقيه ********************* يريت يحين موتي اليوم ولاشفت السده والصار الاكبر عالثرى مطروح شبـت بالخــيام النار توسد بالشريعه الحـيد جاســم باكته الاقدار الطفل من النحر ذبحوه ضامي ونحرته الاشفار وانته تمددت فــــوك الوطيه الوطيه عله صدرك تدوس خـيول اميه اميه وسف رحت من اديه...بقت تصرخ رقيه ************************** تصرخ من كبر همـها تبجي الصخر وياها بعد عزنه بخرابه نبات وعمتي تـزيد بلواها بماعون المنيه الراس عــيني يزيد راواها شبكت راسك يبو اليمه وروحي الاجل وافاها وبموتك طفت شمعة سنينــي سنيني وعله راسك سكن حني واونيني ونيني رحت من بين اديه....بقت تصرخ رقيه *************************************** تمت بعون الله اسالكم الدعاء لي ولوالدي خادم اهل البيت حلمي السعد 
|
| مواقع النشر (المفضلة) |
«
الموضوع السابق
|
الموضوع التالي
»
العرض الشجري
|
|
|
|