#1
|
|||||||||
|
|||||||||
اشتشهاد الامام الحسن العسكري ع يالمحجوب عن العين
مناجات صاحب العصر والزمان عج
============================ يالمحجوب عن العين -- بياقمه وصرح صاير واليمته تصيح الثار -- تبقه لشوكت صابر ------------------ يالمحجوب الك ياعين -- تغمض عالهظم وتنام ناس التنتضر فجرك -- اصبح هالفجر احلام لو ظالم يروح اليوم -- ايخَلف من وراه ظلام ناس الحملت الاوجاع تنهض رادتك فزاع للحق مابقاله اشراع وبروج الفتن تهنه -- واحدنه صفه حاير --------------- حاير كل فكر حاير -- يالمهدي مچانك وين ياسچه التمر بيها -- يادرب المشيته امنين مانحمل بعد اكثر -- احملنه امن الدواهي اسنين يمته الشخصك انشوفه ايصلي ابمسجد الكوفه وجيشك شاهر اسيوفه بيهم تاخذ الثارات -- ونته اعله الظلم ثاير ------------------------ ثاير للعداله انريد -- يالغايب دسل سيفك واحنه اوياك حد الموت -- يالماتطرد الضيفك لو نصبر بعد اكثر -- هذي ظلت ابكيفك چم ثار الالك چم ثار چم دار انسبت چم دار مودمنه جره انهار وصرخات الظمير اشلون -- الهن مايصح ناصر ------------------ يالغايب اشد واصعب -- واجرعنه غصص مرَه يوم الهدموا الگبتين -- الكم برض سامره للساعه الهظم بينه -- يغايب يشتعل جمره گبره الوالدك هدموه يالغايب ترب خلوه وتراث العنده هم سلبوه ماتهتز يراعي الثار -- اتگوم وتذبح الجاير ------------------------ اگبور الكم يمهدينه -- من شرهم فلا تسلم الهادي وگبر ابوك اتشوف -- يالمحجوب يتهدم وتصبر عالمآسي هاي -- وتحمل هاكثر من هم عفيه وشكبر صبرك صابر تظل كل عمرك يمته تنتهض لهلك وبيدك سيف داحي الباب -- بثارك تجبر الخاطر -------------- اجبر خاطر المظلوم -- يالغايب يريد الثار خلفَ هالوكت احزان -- خلفَ نايحه بكل دار المسلم مارحم مسلم -- ولا جارالرحمله جار لا اخ يرحم الخوَه ولاتسمع بعد نخَوه راحت حتى المروَه كل واحد صبح هاليوم -- ابمكره وحيلته ايجاهر --------- ----- موال وابوذيات - - جرد علينه الدهر سيفه ولبس لامته مذخور يبن الحسن تحيي العدل لامته ماتم صبر بالمحب اهل البغض لامته چي لن غيابك بطه ماينجرع مره ا يجرح الزمن بالگلب ماهاد اله مره ا بجاه الله ياسيدي بلچن تمر مره غيبتك طالت بعد يبن الحسن لامته ******************************* يالمحجوب عن العين ونته على غيابك خفيه الگلب ونته يبو صالح نحشم بيك ونته حشاك انسيتنه يبن الزجيه ****************************** غيبه وطالت اعلينه شجاها الضمايرنه الدهر سيفه شجاها يبن الحسن هاك اسمع شجا ها كلها اتصيح يا ثار الزجيه ********** يغايبنه اليالي التمر مرات ومو مره الطليمه انصيح مرات شيصير وعلينه تمر مرات وتشوف شحالها هاي الرعيه -- -- وكتنه صعب للنكبات يسعه وظيم اللي جره ياصدر يسعه يبو صالح تسل السيف يسعه ونگص ارگاب سفيان وأميه سيد عدنان الحمامي |
|
|
|