قصائد للاربعين -- قسم -- 2 ----

12-26-2011, 10:49 AM

<b>
--- موشح

امن اليسر عباس الك ردينه

گوم من لحدك وشوف اشبينه

------------

گوم ياعباس وانشد عيلتك

مشت عنك وين يوم الودعتك

حرم واطفال ويتامه ابعازتك

كلها تصرخ ابو فاضل وينه

---------------

كلها تصرخ يبن چشاف الكُرب

چم طفل مات ودفناه بالدرب

والاشد واصعب علينه بالغرب

عاليتامه الشامت اتصد عينه

-----------

ناس تتشمت وناس امعيده

وراسك امعلگيه برماح العده

بينه ينزف جرح بيش انضمده

يعباس انته الذي ا تدواينه

------------

رحنه للكوفه يساره ابلا حمه

خويه عفنه انحوركم تنزف دمه

يعباس امتوني هاي امورمه

ابخيزرانه الشمر من يولينه

-------------

حده الحادي بينه للشام ابزجر

اهناك ياعباس ماظل لي صبر

ابمجلس الظالم تمنيت العمر

تخلص امن الظيم ريت اسنينه

--------------

بربعينك جيت عالخد دمعتي

ابسدك ارد اگعد واسولف هضمتي

اختك آنه وبيك چانت هيبتي

انظامت اختك والعده امروعينه

-------------------
سيد عدنان الحمامي
----------

----------

--

--

عله أنياگ الصبر يابويه ردينه -- أدوّر وين گبرك صاحت أسكينه

--

عله أنياگ الحزن والنايبه والهم -- سكنه عودّت يحسين لرض الدم

يتيمه لا أخو لاأبو لاضل عم -- بويه اتصيح وين الگبر دلينه

--

يبويه النوگ ردت وبمحاملها -- ودمعات اليتامه اعليك تهملها

أنه سكنه العزيزه ومن بعد الها -- يبويه حسين گوم وشوفنه اشبينه

--

يبويه سكنه آنه وجيت بحزاني -- تعّبني اليسر ماشوف خلاني

عزيزة گلبك آنه شلون تنساني -- يبويه ومن بعد عينك يبارينه

--

يبويه حسين أراويلك جرح چبدي -- أبو غيرك يبويه حسين ماعندي

عسه سالم يبويه وريتني ابلحدي -- ولاعگبك عدوك وليه يولينه

---

عدوك لارحم عنده ولا أمروّه -- وگلبي ابنار فگدك بويه يتچوّه

تمنيت السمه فوگ الارض يهوه -- ولا شامت على سكنه يصد عينه

--

بنت حسين أگلهم روعّوا حالي -- كل لحظه وجابوا راسك أگبالي

أشحال البت يبويه المالها والي -- ابثوب أسود تخلص العمر وسنينه

--

سيد عدنان الحمامي

«« توقيع عدنان الحمامي »»

</b>