10-20-2011, 09:52 PM
|
#9 | |
|
نـــائب المدير
|
بسمه تعالى
سلام عليكم -- طلعت أمن الوطن يحسين -- وين اتريد بظعونك ودع جدك وأمك -- يبني وخل يودعونك ---- الزهره من گبرها اتصيح -- وين اتريد يبني حسين مو هذا وطن جدك -- وبحظنه ربيت اسنين اديار اهلك عشت بيها -- تظعن بالحرم لاوين ومكه ليش عايفها بچت يبني مشارفها ولونشدت مضايفها عنك يبو اليمه شلون -- وحشه اديارها دونك ---- وحشه اديارها ظلت -- يبني حسين ماتنراد عازم عالمسير اليوم -- چنكم عني صرتوا ابعاد هيجت الالم يحسين -- وبضلعي الالم يزداد يبني وين منواكم وين الصوت ناداكم حرم واطفال وياكم ماشي والطريق ابعيد -- خاف اعداك يولونك ---- خاف اعداك يبني حسين -- گبل ماتوصل ايغدروك ونته اطفال هاي اوياك -- كلها ابعازتك يردوك الحراير ياهو يرعاها -- لوكل اخوتك عافوك يمن عايف وطن جدك باچر لوصرت وحدك ولاناصر يظل عندك ابزينب بعد من يهتم -- وعنها غمضت اعيونك ---- زينب من عگب عينك -- ياهو اللي يباريها ولو راح الاخو عباس -- يبني اعداك توليها عزيزة فاطمه امك -- زينب عينك اعليها يحسين الاخو هيبه اتفگده اكبر امصيبه منين الها اخو اتجيبه اختك تصبح ابياحال -- لوشافت يسلبونك ---- ارجع للوطن يحسين -- وخلها سالمه اعيالك الكوفه وحش منبتها -- ومنها الغدر يدنالك غدرت گبل بالكرار -- وبيها اليوم چتالك الكوفه صدگ مابيها الباطل سيطر اعليها ماهو ابعيد ماضيها نكثت عهد داحي الباب -- وخلافه يطلبونك ----- سيد عدنان الحمامي |
|
|
| مواقع النشر (المفضلة) |
«
الموضوع السابق
|
الموضوع التالي
»
العرض الشجري
|
|
|
|