|
#1
09-04-2017, 01:09 AM
|
||||||||||
|
||||||||||
مجالسنه مدارس -- معلم بيها عابس -- للانصار -- تربويه
مجالسنه مدارس تربويه للانصار .. .. .. .. المستهل .... مجالسنه مدارس – مُعلم بيها عابس هنيئأِ لليدرسون ...... مجالسنه .. منابرنه – تدرسّ نهظة حسين تعلمنه – تدرسنه – فروع ومنهج الدين خلاصتها – بدراستها – وتثمن طالب الزين أذا ينجح – غداً يربح – تخلّد طول اللسنين يرفعتها – بشهادتها – تشّرف للسلاطين نتيجه أتحصلوها – بشهاده يوقعوها برير وعابس وجون . هنيئا لليدرسون ....... صفه البيها – متلگيها – ولا حتى ابدولهم لأن ثاير – ولاصاير – مثل حسين أللهم ولا أنصاره – وثواره – فلا يوجد مثلهم لأن قدوه – هُم صفوه – على العالم جعلهم بالدارين – ويه حسين – ظل خالد أثرهم ألله أمن اصطفاهم – رايد من وراهم درب الحق يرشدون هنيئا لليدرسون ...... يوم الطف – لمن أشرف – هاي أعظم بدايه بعزيمتهم – وهمتهم – صبح واحدهم آيه يرشدونه – ويعلمونه – درس حُب الولايه سعادتهم -- بعبادتهم – عدهم أسمى غايه فروض الله – الكل صله – وبسوح المنايه صلاه بالطف حييوها – ألموت ومانسوها فروض الخمسه يحييون هنيئا لليدرسون ..... الشهم بيهم -- شيلاويهم – أسود بحرب تنهاب درس نافع – لليدافع – يحمل طعن الحراب ميتخاذل – ميتنازل – لوله بنحره الصواب صور كثره – لنا عِبره – فلا يحويهن أكتاب بصحائفهم – بطوائفهم – كلهم ل ألله أحباب تمسكوا بالعباده – واليوم اشهاده – جون أويه اليصلون هنيئا لليدرسون .... درس ألنه – درب جنه – نسير بمسلك الخير منتفرق – بطريق الحق – هدفنه واحد يصير بتسامحنه -- نمد يدنه – بطيب الخُلق للغير العِمل صالح -- هوه الرابح – جاهه يصبح أچبير سعادتنه – باخوّتنه – شؤؤن الوادم أندير حسين اللي اميره -- عنده الجاره غيره يستر أللهم أيكون هنيئا لليدرسون ........ بمحاورنه -- اليجاورنه -- بعد يصبح أخونه أذا يهوه -- اله تچوه -- أبد ميهمنه لونه اليحب جاره – حفظ داره – العتره علمونه اليجاورهم – محارمهم – يغظ عنهم عيونه نساعدهم – نساندهم – أذا نخوه نخونه منابرنه ودرسها – منافع نلتمسها نفوز أويه اليفوزون هنيئا لليدرسون ..... تعلّمها – والزمها – مبادئى كربله هاي لاتهلك – جازي أهلك – حقوق الألهم أهواي طيع اللهم – الأبو والام – لاتخلف لهم راي من عدنه – رايدنه – حسين أنطبق الهاي منهاج العقيده – يتنفذ يريده رضا الزهره تحصلون هنيئا لليدرسون .. .. سيد عدنان الحمامي 
|
| مواقع النشر (المفضلة) |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض الشجري
|
|
|
|