اليوم نفرح رغم عالبجونه؟للعيد والاهل والامام الحسين ع اقول؟

اليوم نفرح رغم عالبجونه..هذا عيد الفرح ويسمونه
نفرح بهل العيد.ونلبس احنه جديد
ليش اشرار البشر عادونه

خل تعادينه كل المجرمين
احنه حبينه نهجك ياحسين
بيك امنه و ثبتنه اليقين
احنه حبيناك رغما عالسنين

ابدا عنه نحيد..ولانشكه الجيد
احنه اهل البيت من وصونه

شكثر وصونه بجمعنه الاولياء
احنه يحمينه الجليل من البلاء
بجاه ابو الحسنين واصحاب لكساء
نتحد فد ايد ضد الاشقياء

نتحد فد ايد..اخوه احنه نريد

وندري اهل البيت ماينسونه

رغم كل الصار بعراقي الجريح
اسمعوه الصوت من عدن يصيح
أي وحك طه ونبينه والمسيح
وجف ابو فاضل وحسين الذبيح

بينه التوحيد..رغم هذا انزيد
شما قسه علينه الكفر اذونه

شما قسه علينه أودار الزمن
نفرح بهل العيد ونفرح الوطن
نحار الظلام واصحاب الفتن
توحد أبلادي أبجاه الحسن

نرفض التهديد..الايد وي الايد
وخلي ذوله الحقد يدنونه

شحده يدنانه وشدينه العزم
باسم داحي الباب وصدور الزلم
ابدا لاوالله مايمرنه الهظم
ابدا مانسكت وصلت للعظم

ضنه بينه ايصيد..الاجه من أبعيد
احنه ولد الملحه مايدرونه

لخادم اهل البيت
ابو علي السعيدي