|
#1
06-25-2012, 06:15 AM
|
||||||||||
|
||||||||||
ولادة الحجه عج -- يامعظم الفرحه
المستهل
-- يامعظم الفرحه -- الغايب يطر صبحه وبساعة اظهوره -- يشفه الگلب جرحه -- لابد تدگ صبح الفرج ساعته ونشوف ابو صالح ترف رايته وغُرة محمد نورها ابغرته تتنطر ابروح الصبر شيعته لمن يهل بدره -- والثار ينتظره برايته المنصوره -- يشفه الگلب جرحه --- راية محمد رايته لو ظهر مذخوره يحملها اشيطوال الدهر هاي الحملها علي فارس مظر وظلت ترف لساعه بيد الگمر عباس حاميها -- من يجي راعيها ايحنيها من نوره -- يشفه الگلب جرحه -- رايته راية عدل راية ايمان راية نصر بيها لهج كل السان تسمعها لو رفت ترتل القرآن نصرٌ من الله عليها العنوان عدل وقسط بيها -- للارض يمليها ويوفي بنذوره -- يشفه الگلب جرحه --- رايته للثارات تروي الاخبار هالرايه بس ماتظهر اتصيح الثار ثار الضلع من انكسر بالسمار وتحاسب اللي جسروا اباب الدار من يسل بتاره -- ويطالب ابثاره الزهره مسروره -- يشفه الگلب جرحه --- دوية الرايه بكل قطر تنسمع وللسمه السابع صوته يرتفع لمن تصيح الثار لليرتضع عبد الله يگعد للحكم يستمع والغايب اينظره -- ويقبله من نحره ايعطره امن اعطوره -- يشفه الگلب جرحه --- رايه لهل بيت النبي اتسر العين رايه وتطالب يا لثارات حسين ساعتها عنها المفر گلي لاوين لو طلبت بثارات گطع الچفين والزينب اتسرها -- يكتحل ناظرها ماتظل مكسوره -- يشفه الگلب جرحه -- سيد عدنان الحمامي 
|
| مواقع النشر (المفضلة) |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض الشجري
|
|
|
|