:: يا صـبـــر أيـــوب::

ياصـــــبـر أيوب .. تدري عن صبري ويا حزن يعقوب .. بيّه لـــو تــــدري شاب الحزن من بلواي .. وحار اصطباري وياي يا صبر أيــــوب .. تدري عن صبري آنـي زينب والله سوّاني إلى احسـيـن ابـغير أمره دمعتي ما تـجـري بالعين عِشِت حزنه وماج بين اظلوعي حـزنين و لنـّه صبري صرت أصد همّي ابصبرين ودمعتي بين قلبي واحسين كل ألم يعـبر فـ عيني .. أكتـمه وأكـتم عذابه شاب راسي من حنيني .. والصبر بعـده ابشبابه أصبر وايضل هذا الصوت .. وطعم الصبر مثل الموت ياصبر أيوب .. تدري عن صبري ياصـــــبـر أيوب .. تدري عن صبري ويا حزن يعقوب .. بيّه لـــو تــــدري شاب الحزن من بلواي .. وحار اصطباري وياي يا صبر أيــــوب .. تدري عن صبري شلون بيّه أمشـي اوراسك اقبالي ماهو راسك هذا قلبي ابرمح عالي وما أقول الدنيا من بعــدك ليالي دنيتي نــار اللظى بعدك يغـالي صبري من وين .. خويه يحسين أفـتح اعـيوني وأشوفك .. صبـر متعـفر بيديه وأحملك قربان ومدري .. امنين صبري اندل عليه ما للصبر بـيه احدود .. صار الصبر ليّـه ازنود ياصبر أيوب تدري عن صبري ياصـــــبـر أيوب .. تدري عن صبري ويا حزن يعقوب .. بيّه لـــو تــــدري شاب الحزن من بلواي .. وحار اصطباري وياي يا صبر أيــــوب .. تدري عن صبري صبري انته يالرِحِت والـصــبر ويّاك أنسبي وانته جســد عالغبره ! يهناك ؟ يالطِحت وآني صـِرِت سيف اعلى يمناك وثورتك ما تـنـتهي غصبا ً على اعداك رغم هالبيـــن .. تبقى يحسين ثابته ابخطك العالـي .. وتــكتمل هاي المسيره ماني مأسوره يغالي .. الدنيـا في صبري أسيره كلما الرزايا تكــبــر أصبــر يـخويــه أكثر يا صبر أيوب تدري عن صبري ؟ ياصـــــبـر أيوب .. تدري عن صبري ويا حزن يعقوب .. بيّه لـــو تــــدري شاب الحزن من بلواي .. وحار اصطباري وياي يا صبر أيــــوب .. تدري عن صبري

اسئل الله لكم

العافيه

ان شاء الله

ويعطيكم ماتتمنون

تحياتي ودعائي