|
#1
11-05-2014, 11:45 PM
|
||||||||
|
||||||||
ابوذيات الرحيل ام الامام علي الاكبر وعقيلة بني هاشم ع واقول & (409)
ابوذيات الرحيل ام الامام علي الاكبر وعقيلة بني هاشم ع واقول
&&&&&&&&&& (409) &&&& بمصابك يعرف القاصي..ولدنه ليش البين بفراكك..ولدنه امك ياعلي تنادي..ولدنه عزو الفاكده بهاي المسيه &&& عزو الفاكده بالنوح..والون المصايب كسرن بهالروح..والون راوتني الطفوف اشكال..والون مثل سهمك ابدا ماصار بيه &&& مثل سهمك ابد بالكون..ماصار ولا بعدك ولد ايصير..ماصار جنت بالدنيه ضيم وعسر..ماصار فكدتك يالولد غصبن عليه &&& اخذ روحي لعد روحه..امانه أيد اللي حملت روحي..امانه وحك امك يبو فاضل..امانه وام عباس مهمومه الزجيه &&& علامك رحل اخوتك..ماتحرسه يبو فاضل حرسنه..ماتحرسه اختك نادت وصاحت..ماتحرسه يربي كافلي بهاي المسيه &&& يد الكفار بيه السوء..تنجاس ومثلك بالسيوف شلون..تنجاس منو الغيرك ينجي الناس..تنجاس يونس من ندب نجيته اليه &&& الاخو وي الاخو بالضيج..ينراد وعدوهم ساعد العباس..ينراد كلام السيف وي السيف..ينراد وهيجي افعال ابو فاضل اليه &&& الظلم لابعد عليه بيوم..يراد واخذ مرسال مني لعلي..يراد حضورك لازم بهل اليوم..يراد تحضر زينب بهاي المسيه &&& جثير ارجال بالطف ..راحونه ونين الماتون غيري..راحونه تونه يالزمن حالي..راحونه تعجل بالمصاب تكص اديه &&& رحل ضعن الهواشم..ماتونه وعل كلبي الونين اصبح..ماتونه الثكله البين مثلي..ماتونه ربع ارباع وني بهل المسيه &&& نخيتك ياابو فاضل..ونخواني بااسم حسين خوتنه..وانخواني الناس خوانه يمهه..ونخواني صرعى اصبحو كلهم عالوطيه &&& وحك المترضى حيدر..ويدنه شحد الشمر يوصلني..ويدنه يد الله فوق ايديهم..ويدنه الرسول وحيدره اولد الزجيه &&& حب حسين من الله ...وتدنه روحي الشوك هب بينه..وتدنه اكل للشمر لا تكرب..وتدنه من نحر الشهم ابن الزجيه &&& ايام المالون صبري ..لوني بجفاك اصبح صدى بروحي..لوني عليك اتحمل الاصعب..لوني ولا اشوف الدعي وابن الدعيه &&& كظيت العمر عالخوان..بسهام يوم الشفت شمر الخنه..بسهام عليه وسدد المحتوم..بسهام بجبد حسين من ذيج المسيه &&& الالم ياخوي يعصرني..وسكنه وعليكم تنشد رقيه..وسكنه تمنيت اللحد ينطر ..وسكنه ولا اشوفنه دموع تهل رقيه &&& بقضيت حسين للمذهب..خلصنه رغم جور الظلم بينه..خلصنه متى ياصاحب الغيبه..خلصنه من ظلم الكفر والجور اليه &&& كلب زينب على العباس..ينطر وبقى طول العمر بي اه..ينطر متى ياليل ياتي الامر..ينطر ونشوف الصاحب بذيج المسيه &&& وحك اللي كفل زينب..ويده يفوز اللي ذكر زينب..ويده لون مره ارفعت زينب..ويده جان ايصير رج الكون اليه &&& خادم اهل البيت ابو علي السعيدي 
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض العادي
|
|
|
|