بخدمتك حضرت داري..اريدن تجي خطاري؟لسان حال خدام الامام الحسين ع اقول

بخدمتك حضرت داري..اريدن تجي خطاري
انطيكم ضوه عيوني..يازاير لا تفشلوني
بخدمتك يرحم الباري

خدمتك واجب عليه..اعد ايام للجيه..احضر بيه مابيه
اريدنكم تعذروني..لون ماوفت امتوني
الله العالم الداري

اناطر يومي انتظرك..وعيوني عل دربك..ربي بجاهه اينصرك
عل الزهره تحسبوني..اريدنكم تضيفوني
اريدن حسد من جاري

اريدن بيكم اتباهه..واطلب منكم بجاهه..خدمه ابدا تنساهه
رايدهم يسجلوني..بدفترعلي بقبلوني
تكول الزهره انصاري

يزاير بات ويانه..بجيتك ربك انطانه..واحنه حسين سمانه
خادمهم يسموني..واريدنهم يخدموني
يوم الشالت اسفاري

بس العمل يمشي وياك..يازاير انه اترجاك..اخدمك خلني اتلكاك
هناك بيه تحموني..اسدد بيكم اديوني
بحساب حسين هالجاري

الخدمه تفيدني للضيج..يوم الذاك بيه الريج..ينشف بيه مني الويج
تشوف الحال وشلوني..يغير حالي ولوني
بعد ماتنفع اعذاري

خادم اهل البيت
ابو علي السعيدي

عظم الله اجوركم

وتقبل الله مواساتكم

تسلم ابو علي السعيدي

ربي ايبارك في جهودكم

احسنتم كثيرا




لكم منا دعاء بالعافيه

الشاعر الرائع
السيد عدنان الحمامي المحترم
مروركم اسعدني وفقكم الله لكل خير
منتمنيا لكم دوام التوفيق لخدمة القضيه
الحسينيه
تحيات
اخوكم
ابو علي السعيدي