|
#1
05-25-2013, 10:02 PM
|
|||||||||
|
|||||||||
في الشام مأساتي
بسم الله الرحمن الرحيم
اللهم صل على محمد وآل محمد وعجل فرجهم فـــي الشـــام مأساتـــي ( فائزي ملمع ) ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ في الشام مأساتـي === حاطـَوْا بمولاتــي بنتُ الهـُدى زينب === نيرانـُها تلهــــب حاطـَوْا بمولاتـي ــــــــــــــــــــــــــــــــــــــــــــــــــ ــــــــــــــــــــــــــــــــــــ زينب وحيده إو تنتظر جيتك يعبـّــــاس == حاطوا گبرها الناصبه ياراعي الباس مظلومه حتـّى بالگبر بت أشرف الناس == لكـن تظل زينب أبد مرفوعة الراس فــِدا لها روحي == يامـُقلتي نوحــي إنظـُر لها يارب == نيرانـُها تلهـــب حاطـَوْا بمولاتــي ـــــ زينب تنادي ياعلي وينك يكــــرّار == يردون تهديم الگبر يابويه أشرار هذا يزيد إو زمرته ياحامي الجـــار == رجعوا يريدون الأسر ينعاد تكرار للشـام قد جــاءوا == في قلبـــــــي الداءُ وروحي في الأصعب == نيرانـُها تلهـــب حاطـَوْا بمولاتــي ــــــ زينب وحيده إو حايره وإتنادي يحسين == ياخويــه يردون الگبر ينزال هالحين يبن أمّي أحقاد إو ظلم عدهم ملاعين == يردون زوّاري ترد لو شافوا البين وكيدُهم خاســـــــر == لايربحُ الفاجر هذا الردى ينصـَب == نيرانـُها تلهب حاطـَوْا بمولاتــي ــــــ زينب غريبه إو تنتظر يومك يموعــود == ملعون إبن ملجم ظهر وإبحقده إيعود ويّاه أميـّه الفاسقه رَدّوا إلـــــي إردود == إظهر يبن حيدر علي ياراعي الزود إبطلْ نوايا الشر == ناري غدت تسعر متى ترى الكوكب == نيرانـُها تلهــب حاطـَوْا بمولاتــي ـــــــــ ندري إبعقيلة حيدره إبداً فلا إتذِل == حتـّى ولو يمها الرجس بحقاده يجبـِل تبگــه عزيزة فاطمه محشومه وإتهـِل == وإبروح كـُل شيعي تظل موجوده وإتحِل فقبرُها قلبـــــي == وشاهدٌ ربـّي وهذا لي مذهب == نيرانـُها تلهب حاطـَوْا بمولاتــي ـــــ آهات من صدري أبث وإتروح للشام == توصل ضريح الطاهره وإتحوم بالام وإتصيح يلكافل إجـَوْا إحضر يضرغام == زينب إجوها الناصبه يردوها تنضام وأنتَ لاتقبل == بالشرِّ إنْ أقبل لا بـُدَّ أنْ تذهب == نيرانـُها تلهب حاطـَوْا بمولاتــي ـــــ ويـّاك عبـّاس الشهم يالرايد إتروح == للشام تحمي الطاهره تفديها للروح من توگع إبگرب الحرم وإتصيبك إجروح == حتما تنادي الجابتك لاتبچـي وإتنوح أمــّاهُ لاتبكي == فـَعـِزّتي منكِ روحي فدا زينب == نيرانــُها تلهب حاطـَوْا بمولاتــي ــــــــــــــــــــــــــــــــــــــــــــــــــ ـــــــــــــــــــــــــــــــــــ مع تحيات شاعر اهل البيت / جابر النجفي إسمعوا القصيده على هذا الرابط http://www.wlidk.net/dldwrx70255.mp3.html 
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض العادي
|
|
|
|