|
#1
03-13-2013, 06:04 PM
|
||||||||
|
||||||||
ارد انشد كل هذا العالم؟سؤال لكل العالم اقول
جم محنه المرت ببلادي..حتى الطفل اليرضع شـاب
كل موجه اللي تلطم بينه..تندار وي الريـح الهـاب مانعرف ياهـو الويانه...ومانعـرف ياهـو الطـلاب واللي يدافع النه السانه..نص حجيه وعمرك جـذاب يتبع قانون اللي سنه..مو حكـم الله شـرع الغـاب ميهمه الماتـو باطفالي..ولايمـه الطايـح وانصـاب حتى النسوان الماسلمت..من عدهـم ذولـه الاجنـاب ويــادم السـبـح اطفالي..حنتـهـم دم الاركــاب ياقانـون اليحكـم بينه..ليـش يسيرونـه الارهـاب ليش تموت أبيده ابنتي..وبته التلعـب عـده اصحـاب وهو اللي ياكل من خيري..وانه الاكل بـس اتـراب خافن احجي كالو هذا..من صفحت ذولـه الانسـاب اسكـت والسكتـه تاذني..تفرنـي فـرات الـدولاب والشكـوى لله نعلنه..وشكوانـه البيـه الاسـبـاب ليش تمرد جـاري عليه..وبوجهـي يسـد الابـواب وليش النعرفهم عافونهـ..لا غـزر دهـل وخنيـاب عافو صحبتنه وخوته..موياما ويامـا جنـه احبـاب دارت دنيانه الغداره..وصلت النه اهـواي اسـراب من طير الشوم وصحبانه..وبوم وياهم جـم اغـراب تنعق ببلادي وخيراته..والجـرح البعـده الماطـاب نتحزم لازم فد همه..وننخـه ويانـه داحـي البـاب يزيل المحنـه وشدتنه..واليسعـى وياهـم ماخـاب مـولاي الظالـم دمرني..وهـدم بيتـي والمحـراب اصفن متحير على الصاير..وانظر بيه جم صـواب ياارضي الصارت مسرحهم..وعم البينه بس اخراب حسرات المرت يوميه..بضلوعـي صـارن نشـاب وارد العن كلمن طب داري..وصدك بيه مـو سبـاب خلاني الارهاب اتكلم..وخلاني احجي على النصاب مطول الحيته وريحـه النتنه..يفجربيتـي والاكبـاب شرايد مني هذا الظالم..ببـلاده اهـواي الاغـراب يروح ويطردهم احسله..واحنه وياهم النـه احسـاب يحرر بلده اول مره..من اسنيـن وصـارو البـاب كبل اسنين اتغنـه الصافيـ..وردد كـرره السيـاب بالعلم وعرفانه النهضه..ولا بشـوده وذاك شجـاب النوب وارجع وانه اسالكم..اهلي وناسي شيب وشاب ارد انشد كل هذا العالم..ياهو العنده بكدنـه احـزاب خادم اهل البيت ابو علي السعيدي 
|
|
03-13-2013, 11:38 PM
|
#3 | |
|
المراقبين
|
ابو علي السعيدي
ربي ايبارك في جهودكم احسنتم كثيرا |
|
|
اللهم صلِّ على محمد وعلى آله الطيبين الطاهرين
|
|
03-14-2013, 07:27 PM
|
#4 | |
|
عضو مميز
|
الاخت الرائعه
خادمة الشفيع المحترمه لاحرمنا الله من امضائك وكلماتك وجعلها الله في ميزان الاعمال دائما تشاركيني اجر قصيدتي من خلال تواجدكم رعاكم الله ويسر اموركم وفقكم لكل خير تحيات ابو علي السعيدي |
|
|
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض العادي
|
|
|
|