علي الاكبر ..ابن حيدر..بطل خيبر ياولي؟للامام علي الاكبر ع اقول.

علي الاكبر ..ابن حيدر..بطل خيبر..ياولي
انه صكار الاسود..اليوم ابجيه الحشود

شال سيفه وبمينه..من يعينه..ياحسين
صاح وبجلمه حزينه..وبأنيه..ياحسين
يبن حماي الظعينه..ياولينه..ياحسين

شمرت هاي الزنود..اليوم ابجيه الحشود

صال وعليهم يصيح..والمسيح..صامدين
مايهزني لو جريح..او ذبيح..صامدين
حتى لو كلبي يطيح..مااصيح..صامدين

احنه انطينه العهود..اليوم ابجيه الحشود

ويلي ياسيف الغدر..والشمر..ابن اللعين
هاي افعال الكفر..يازجر ..ابن اللعين
مثل حفنات الجمر..تستعر ..ابن اللعين

حشدو لينه الجنود..اليوم ابجيه الحشود

ردد بصوته ويكول..يارسول..ياامين
احنه اصحاب العقول..والحلول ..ياامين
اليوم خلينه نصول..ياطبول..ياامين

شهد اليوم الشهود..اليوم ابجيه الحشود

ابوي ربان السفينه..كل سنينه..للبشر
جدتي الزهره الحزينه..والحنينه ..للبشر
علي ياحيدر ولينه..لو علينه..للبشر

احنه اعلنه الصمود..اليوم ابجيه الحشود

اليوم هم البيه بيه..والاذيه..بالطفوف
ناحت الدنيه ونبيه..هم عليه..بالطفوف
زينب الحره الابيه..تصيح هيه..بالطفوف

وسكنه لطمة الخدود..اليوم ابجيه الحشود

تمنه عباس اليكلمه..لاأن عمه..ياعلي
وبيد الرايه يسلمه..يشيل علمه..ياعلي
يحقق امنيته وحلمه..يزل همه..ياعلي

انه شبل من الاسود..اليوم ابجيه الحشود

خادم اهل البيت
ابو علي السعيدي

ربي ايبارك في جهودكم

احسنتم كثيرا

اسئل الله ان يجعلنا واياكم من الحافظين لكتابه ان شاء الله



عظم الله اجوركم واجورنا بمصاب ابي عبد الله الحسين ع

لكم منا دعاء بالعافيه

والتوفيق ان شاء الله

تحياتي ودعائي

الاخ الفاضل
الشاعر الحسيني الكبير
السيد عدنان الحمامي المحترم
قلمكم الموالي المتابعه لمن يسر في ركب الحسين ع
جزام الله اجر فعاله من المحسنين وتقبل الله منكم الاعمال في ميزان الحسنات
وادعو من الله ان يجعلكم من المطالبين بثار الامام الحسين ع
جعلنا الله وياكم من الحافظين والذائبين والمطالبين في دم سيد الشهداء ع
مع تحيات
اخوكم
ابو علي السعيدي

عظم الله اجوركم
بمصاب ابي عبدالله الحسين
ابو علي السعيدي