|
#1
05-04-2011, 02:00 PM
|
|||||||||
|
|||||||||
قصائد للزهراء ع ــ للشاعر علي كاظم الحصناوي
قصائـــد عـن الزهــــــــراء ع قصيدة 1 نشكـــــــــــي للمختار حالة فاطمه ونهمـــــل الدمعات واحنه نكلمه ******************** يارسول الله نرويلــــــــــك خبـــــــــر يكسر الدلال ويفــــــــت الصخــــــر وعن مصاب الزهره يرسملك صــور ونـــدري دلالك حچينه ايألمــــــــــه ******************* يارســــول الله أگــــــعـــــد واستمــــع نحچي عالبســــمار لو كســر الضلع تسمع اللي صاروتهــــل الدمـــــــــــع وتبچي للزهراء ودموعــــــك دمـــه ******************* بيهه مو وصيت ياخــــــــــــــير الوره تدري باللي صاربعــــــدك والجــــره من بعد فرگاك ظلت حايـــــــــــــــــره اعليهه تجره الايادي الغاشمــــــــــــه ****************** وعاشت بأحــــــزان وبهم بضعـــــــتك وجمرة بالدلال صــارت غيبتــــــــــك ابيت للاحزان تذكـــــــــر صورتــــــك وبدمع سچــــاب رادوا تكتمـــــــــــــه ****************** هجمت اعله الدار گــــــــــــوم الحاقــده وسددت بسمــــــار وسهام العـــــــــده وهالهجوم الصار ضدك مگــــــــــصده تدري بالزهـــــــراء بيك مجسمــــــــه ***************** ورادوا ايطفون بأحقــــــــاد الشمـــــــس والشمس هيهات تقبــــــــل تنحبــــــس شما تمر اجيــــــــــال تطيــــــــهم درس الخلص للرحمــــن ربك كرمــــــــــــه ****************** قصيدة 2 يم الحسن وحسين *** يهمل دموع العين حامي الحميه ***** ونته خفيه يهمل دموع العين *** صعب حال الصميده الجندل الابطال من شاف الوديعه تغيرت الاحوال انكسر ضلع الزچيه بهجمت الانــذال عليه غيم حزنهه وضيع الامــــال صار الحــزن سلواه*** هو الانـيــس وياه بعد الزچيه *** ونته خفيه يهمل دموع العين *** نزف جرح الصميده وبالحـزن يدي يصيح بصوت يلزهره انمرد چبدي لون رحتي اعيش بغربتي وحـــدي ريت الموت ياخذني يظـــــــل ودي ماينحمـــل فرگــاچ ***للموت اروح وياچ نرحل سويه *** ونته خفيه يهمل دموع العين *** وگف يم الزچيه ويجذب الونـــــه شخصچ يلوديعه شلون اودعــــــنه يبت المصطفى الهادي وجزء منه الچ گوم ا لرديه شلون تتعـــــــــنه ماچنه وصه عليـــچ***وهاي العده تاذيــچ گوم الرزيه *** ونته خفيه يهمل دموع العين *** وبگت جمره تهيج بگلبي تاذينــي مااگدر اجيبــــــچ من تنادينــــــــي من هجمت عليچ الگوم ياعينــــي لان حبل الوصيه اللازم يمينـــــي گال النبي الضــرغام*** حافظ عله الاسلام هاي الوصيه *** ونته خفيه يهمل دموع العين *** وجسمچ يلوديعه بيوم غسلـــــته والضلع التهشم آني مـــن شفتـــــه وگع حيلي يبضعه بچفي لامسته دمع عيني همل بدمـــوم خالتطــــه شصبر على اللي صار*** وي بضعه المختار شحملت اذيه *** ونته خفيه يهمل دموع العين *** بدل ضلعچ يزهره ينكسر ضلعي غدت روحي حزينه ومايسر وضعي مثل جمرات تنزل من اهل دمعي وحس سود الليالي من طفوا شمعـــي حزني يظــل للـــــدوم*** طول العمر مالوم رحتي من ايديه *** ونته خفيه يهمل دموع العين *** قصيدة 3 نبچي بحسرة ***** لفگد الزهرة ونواسي الهادي المختار للهادي نواسي ونرويـــــــلة ***** ونجري دموعةعللوجنات عن حال الزهرة المهضومة ***** من بعدة بياحال تبــــــــات عاشت مهمومة ومكــسورة ***** بليل مچلچل بالاهــــــــــات من بعد الهادي يظلمـــوهة ***** وگعت مابين الشمـــــــــــات ويحرموهة ***** ويسلبوهة شافت ويل من الاشرار ************************************** يل الهادي خلافك محتارة ***** تهمل بالحسرات العين ثكلة لفگدك ياوالـــــــدهة ***** عنهة مسافر رايح ويــن لجورالايام مخليـــــــهه ***** من بعدك لوعـــهة البيــــن سهمك يلهادي موجرهة ***** منفگدك شافت ناريــــــــن نار الفگدة ***** ونار الردة ردت عن دينك انصار **************************************** ونحچيلك عن حال الزهره ***** الخلة اليرضع بالهم شاب بسمار تنبت بحشاهـــــــه ***** يوم الـــلاذت سدالبـــــاب والمحسن بالگا ع اتگنطر ***** خامد ماتسمعلة جـــــــواب طاحت للگاع ومالـــومة ***** ضلع البضعة ابغدر انصاب من غدروهة ***** ماراعوهة ماراعواحگ الاطهار .................................................. . من طاحت نادت حيدرهة ***** وينــك ياداحـي البيبــــان اسمع ياحيدروحضــــرني ***** يم دارك وصـلت عدوان متعنية وتعرف مگصدهة ***** تحـرگ دارك بالنيـــــران من بعدك هضمــــــــــوني ***** مني المدمع چلنهـــــــران ماترضاهة ***** لبضعة طة وانته الفارس والمغوار ناداهــــــة الوالي وعبرات ***** مخنوگة بصدرة الملچوم يلزهرة عتابچ ياذيــــــــني ***** زيد فوگ الهم همـــــــوم عن نصــرچ ياحيف اتاخر ***** من هجمت علدار الــگوم من شفت الضلع المكسورة ***** دمع عيوني صب دمــــوم زيد وني ***** شيصبرني تاية والدلال احتار الزهرة بليل ايشيعوعهة ***** هذا الحـــال يهد جبال بت الهادي من دفــنوهة ***** دفنوا يمهة چـــم دلال اولادچ ظلت محـــزونة ***** دم اولادچ من دم سال علبضعة ادورمذهـــولة ***** اللة يساعدهــة بهلحال ضاگ عليهة ***** الدنية وبيهة كون وفلك كلة اندار قصيدة 4 محتاره يمه اليـــوم *** اهمل دمع ودموم ضلعچ ييمه انصاب *** محسن وگع بلباب اهمل دمع ودموم *** آنه الحره العقيله الملتهب دمعـــــــي وصيح بصوت ياأم الحسن ســــمعي بدل ضلـــــــــعچ ييمه ينكسر ضلعي زغيره عله الحزن يمه وطفوا شمعي طفوا ضوه الانوار*** بالعصره والبسمار لــــمه غدر وذياب***محسن وگع بلباب اهمل دمع ودموم **** مصيبه تشيب البلمهد واليرضـــــــع عجب نعش الزچيه بلــــــــــيل يتشيع وگبرهه عله الخلگ ورسومه تتضيع صدگ هيچ الوديعه بظلمــــــه تتودع ماتقبل يودعــــــون *** خلف النعش يمشون شله التسمه صحاب *** محسن وگع بلبـــــاب اهمل دمع ودموم *** ردت گبرچ يضمني وماردت دنياي بعد شلي بحياتي يابعد رجــــــــواي ياكوكب حنان انفگد من سمــــــــاي وبعد حتى بخياله عن نظر عينــــاي غرب بعيد وشال *** بالفرحه والآمـــال أبعدعليّ وغــاب *** محسن وگع بلباب اهمل دمع ودموم **** گصت بي الليالي يم حسن وحسين انجسم گلبي ييمه من الحزن نصين تسهرني الهموم وما اغمض العين تركتيني ورحلتي بهل العمر لاوين أصرخ ودور الدار*** يابضـــعة المختار وينچ دليــــلي ذاب*** محسن وگع بلباب اهمل دمع ودموم **** بعد المن اروح وشكي كل همــــي اذا قاسي الزمان وأخذ مني امــــي صفت حسره بدليلي والگلب مدمي غدت سوده الليالي والحزن رسمي ماترحم الاقــدار *** بيهه الزمن ينــدار كشر عليّ انياب *** محسن وگع بلباب اهمل دمع ودموم **** عله فراگچ اون ومابطل ونــــي تعلمت الحزن يمه بصغر سنــي عمت عين الزمان الباعدچ عني الچ فدوه العيون ولوعمن مـــني فدوه العيـــون تروح***لجلچ ابيـع الروح وضلعي اللذي ينعاب *** محسن وگع بلباب اهمل دمع ودموم **** قصيدة 5 ظلموني ظلموني **** يابويه ظلموني آنه البتول الطاهــــــره بعدك أظلن حايـــــــره يابويه ظلموني *** وبحالي لوتدري اشجـره **** وادري بدليلك يمتحـــن ماضگت من بعدك وسن **** ولاشفت راحه ولاأمـن اصحــــابك اتجرت علي **** وظليت لايامك احـــــن نكرونـي نكرونـي **** يلهادي نكروني شوف لبضعتك ماجــره بعدك أظلن حـــــــايره يابويه ظلموني *** ماأنصف ويـاي الدهـــر**** صوب دليلي چم سهـــــم واول سهم لاهل الغـــدر**** من حگه ابن عمي انحرم وضده الصحابه اتامروا **** واحدهــــم بحگه حلـــــــم وإدَرع بثوب الصبــــــر**** وانعجن وي روحـــه الألم حرموني حرموني **** من حگي حرموني باحزانه يهتــــف حيدره بعــــــــدك أظلن حايـــــره يابويه ظلموني *** يابويه ناديــــت بحزن **** وعن حالي ريتك تتطلع ممنوع من بعدك حزن **** ممنوع من بعدك دمـــع هم تدري يابويه وشفت **** كل حزن لازم ينمــــــنع رادوني اكتم دمعــــتي **** ولاصوت عگبك ينســـمع بعدوني بعدوني **** باحزاني بعدوني والدمع عنهم اســـــتره بعدك أظــــــــلن حــــايره يابويه ظلموني *** هجموا على الداربحقد **** ماوفوا يابويه العهــــد كشروا بانياب الغدر **** واللات صارلهم سنــد يابويه ردوا للجهـــــل **** شخصك عليهم من بعد اذوني من اجل الملك **** دلالي يابويه انمــــــرد خلوني خلوني **** أكشفهه خلوني اسلام ماعدهم تره بعدك أظــــــــلن حــــايره يابويه ظلموني *** يابويه نيران الصـــحب **** صارت علي مثل المطر بسمار نابت بالـــــصدر **** والضلع يابويه انكــــــسر مالومه طحت آنه وأون **** والدمع من عيــــني انتثر توجعــني دورات الزمن **** وشـــــــلون ياعودي غدر أذوني أذوني **** الصحبه أذوني مدولي چف الغادره بعدك أظــــــــلن حــــايره يابويه ظلموني *** والمنظر اليدمي الگلب **** من عده دلالي انصـدع بعيوني يابويه شفـــت **** محسن عله الغبره وگع ووليدي گلي بياذنــــب**** للدنيه ميت من طلـــــع مصيوب بسهـام الرده **** بمصابه دلالي انفجــــع بعيوني بعيوني **** من شفته بعيوني گلبي انشعب من منظره بعدك أظــــــــلن حــــايره يابويه ظلموني *** الشاعر الحسيني علي كاظم الحصناوي
آخر تعديل إني حسيني يوم
05-04-2011 في 02:03 PM.
|
|
05-04-2011, 04:04 PM
|
#2 | |
 مديــر عام
|
احسنت كثيرا آني حسيني وشاعر القصائد هذه
الولائيه في حق بضعة رسول لله ص اسئل الله ان يرزقنا واياكم شفاعة الزهراء عليها تحياتي ودعائي |
|
|
|
05-04-2011, 11:57 PM
|
#3 | |
|
مشرف
|
احسنت اكثثثيييير اخي وربي يتقبل منك لكل خييير
ونحن ننتظر كل ابدعاتك المتواصله اخي العزيز وسئل الله العلي القدير ان يوفقك في خدمة محمد وآل محمد ص تقبل مروري تحياتي ودعائي |
|
|
|
|
05-06-2011, 10:00 AM
|
#4 | |
|
عضو جديد
|
السلام عليكم
( السيد عدنان الحمامي ) شكراً لمرورك المبارك وأني بخدمت شعراء أهل البيت ع تقبل تحياتي ودعائي خادمكم إني حسيني |
|
|
|
|
05-06-2011, 10:01 AM
|
#5 | |
|
عضو جديد
|
السلام عليكم
( خادم خدام الزجية ) شكراً لمرورك المبارك وأني بخدمت شعراء أهل البيت ع تقبل تحياتي ودعائي خادمكم إني حسيني |
|
|
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض العادي
|
|
|
|