شيعتك وياك...لاتظن تنساك؟الى سيدي ومولاي الامام الحسين ع اقول؟

شيعتك وياك..لاتظن تنساك
صار الدمع مشهود..جزاها كل حدود
لاتظن ننساك

حملنه اسمك ويظل رسمك على عيوني
يالحبك سره بدمي هايم من ينشدوني
عليك اجالبت الاف رادو بس يزلوني
الهدف معروف كل همهم ينسوني

شتظن ننساك..حملنه لواك
حبك بالكلب موجود

اليوم عل الدرب جينه يبعد الروح
حملنه الغيره من عدكم حملنه جروح
الك جينه ياوالينه اجينه انوح
عطر جسمك يبعد اسمك عليه يفوح

المحب ناداك..زحف هالجاك
اديه مقيده بقيود

حلم باقي على اعناقي ليوم الدين
ابايع بيعت الاحرار جينه انبايعك يحسين
ونجدد بالعهد كل عام للطبين
وعل الارواح نتسابك ورى الماشين

اجينه انطوف..رغم كل خوف
لحسين ولراعي الجود

شفت رايات اجت ميات كله تزور
الك رخصت دماء الروح كله نذور
الك عبرة ياابو السجاد هاي بحور
تطوف بحصنك وترجع ترد اتدور

تصيح الثار..علي الكرار
يمولانه اجينه اجنود

صبر ثوار يبو الاحرار عظيم الشان
تظل تعله عل الذله وتظل عنوان
سفينه تسير حملهه جبير الي سفان
شفيع الناس اخو العباس لكل انسان

دخل زاير..بكبته مايظل حاير
براضاهه يعود

خادم اهل البيت
ابو علي السعيدي

سيدي ابا عبدالله
خادم على بابك خليني
خدمتك شفاعة تنجيني
ابو علي السعيدي

احسنت كثيرا ووفقت ان شاء الله

ابو علي السعيدي


لكم منا دعاء بالعافيه

والتوفيق في خدمة الزهراء وبنيها ع
اسئله لكم الامن والامان والعافيه

ان شاء الله

لكم منا تحيات ودعاء

وربي يرعاكم ويخليكم

اللهم صلي على محمد و ال محمد و عجل فرجهم
..بارك الله فيكم اخي الشاعر
ابو علي السعيدي
وطيب الله انفاسكم على الابيات الجميلة ..
في ميزان حسناتكم ان شاء الله تعالى
تقبل فائق احترامي وتقديري

الاخ الفاضل
الشاعر الحسيني الكبير
السيد عدنان الحمامي المحترم
قلمكم الموالي المتابعه لمن يسر في ركب الحسين ع
جزام الله اجر فعاله من المحسنين وتقبل الله منكم الاعمال في ميزان الحسنات
وادعو من الله ان يجعلكم من المطالبين بثار الامام الحسين ع
جعلنا الله وياكم من الحافظين والذائبين والمطالبين في دم سيد الشهداء ع
مع تحيات
اخوكم
ابو علي السعيدي