اه ينور عيوني..شلون لو سألوني؟حال الحوراء ع بعد السبي؟اقول

اه ينور عيوني..اشلون لوسالوني
واركبت خويه الهزل..وانذهل مني العقل
اه ينور عيوني

وين عباس الكفيل..صاح وبحركه الدليل..بس الاطفال وعليل
وين انصاره
التمت علينه العده..ذوله اصحاب الرده..شوف ياخويه السده
وانه محتاره
ريت يكظي هالعمر..ولااشوفنه الشمر..يحدي بيه لليـــسر
التحدي غداره

خويه جانت منيتي..انت تحدي عيلتي
تصير حادي ضعوني

من مشيت ميسـره..للطغــاة الكفره..كلبـي ناره موجره
ابين عدواني
شفت ياخويه اللئام.. شلون حركوه الخيام..صحت ياطير الحمام
بلغ خواني
انسبي خويه مشـيت..بحركه ياخويه بجيت..لاال اميه انسبيت.
زادت احزانـــي

صحت ياراعي العلم..النار شبت يالخيم
بعدك يبجوني

خويه فرضو هالحصار..ورفعو علينه شعار..وبينه سوه الدمار
دارو علينه
صاحت سكينه ورباب..تزيد ونه بالعتاب..تريد ياخويه الجواب
منهو يحمينه
صاحت وزادالانين..وناحت باسم الحسين..وين ياعمي الحنين
وين جفينه
شفت جفك عالنهر..وصورتك خويه الكمر
ومنك يحرموني
اتركت انه الوطن..بالنياحه والشجن..وكثرت اهواي الفــتن
وزادت الامي
شلون خوي رجعتي..من مشيت بغربتي..خويه جانت صيحتي
الشمر كدامي
عاينت ليك وصحت..عينك بعيني شفت..صدت وكلـمه كلت
بنحرك الدامي

يانحر يكطردمه..فطر اعيون السمه
من مشيت بدوني

ريت حاضر يالولي..صحت باسمك ياعلي..انسبت كله هلي
شوف ايتامي
انسبت خويه النسه..وين اصحاب الكسه..علينه منحل المسه
هاجت الامي
من دخلنه للــمله..وياي كل العايلـه.. من تركنه كربله
شـاف اعلامي

كلمت خويه يزيد..كتله يابن العبيد
ترضه يسبوني

اشلون لوجانه الليل..ينكظي بهم وعويل..راح من جان الدليل
جان حامينه
نبقى ننطر للصباح..بالحزن هم ونياح..وزادت الاف الجراح
نصيح والينه
من شفت هذا الامر..شفت بالدنيه العسر..اذكرت خويه الشمر
شلون ياذينه

تذكرت خويه الطغاة..واذكرت سبل النجاة
شلون ينسوني

خادم اهل البيت
ابو علي السعيدي

ربي ايبارك في جهودكم

احسنتم كثيرا

اسئل الله ان يجعلنا واياكم من الحافظين لكتابه ان شاء الله



عظم الله اجوركم واجورنا بمصاب ابي عبد الله الحسين ع

لكم منا دعاء بالعافيه

والتوفيق ان شاء الله

تحياتي ودعائي