دارميات وليدة الحظه الى سيدي ومولاي الامام علي ع بالولاده اقول

دارميات الى الامام علي ع اقول
شفت النجم فرحان ويضوي صوبين..ومنه تشع انوار اتسرهه للعين
بشرى جبيره اليوم لكل المسلمين..انولد داحي الباب أوبطل صفين
بالكعبه ربك راد هاي الولاده..وزف التهاني اليوم النه وسعاده
زفت املاك الكون البشره للناس..وتبشر المختار ابرفعت الراس
اليوم انولد ياناس قالع البيبان..واكبر دليل اتشوف شكت الحيطان
انفتح بيت الله شكك جداره..سلمه رب الكون حيدر فقاره
ربك امر جبريل للنبي انطاه..حيدر سند واخوهه بالشده يحماهه
انولد هذا اليوم ركن الامامه..وانفتح بابه الله البيه السلامه
انولد هذا اليوم حامي الحميه ..حيدر علي الكرار فخر البريه
الف التهاني انكول الكم والنه..نور السعاده اليوم ينزل محلنه
نورك علي الكرار نور الولايه..بالكعبه انت تصير احلى البدايه
بالكعبه حيدر صار واتشرفت بيه..مكرمه من الله للنبي ينطيه
شلون انولد ياناس وكلكم تسمعون..حكمه الاهه الكون والما يعرفون
الكعبه اشرف بيت بكل الاراضين.. انولد بيه اليوم مولانه ابو حسين
العجب ياهل الناس مو بالولاده..شك الجدار اشلون ربه لعباده
شفت الشجر فرحان واوراقه لونين..فرحانه هيه وياي وتهني بو حسين
فرحانه كل الكون والفرح انواع..فوك السفينه اليوم موجود الاشراع
ماشفت ماسميعت لاعيني شافت..مثله انولد بالكون وين امه جابت
حيدر يباهي الكون بس بالولاده..ابيت الله منهو الصار كبله بعباده
انزف التهاني اليوم لقائم العتره..ونهني رب الكون هاي احلى بشره
خادم اهل البيت
ابو علي السعيدي

اسئل الله ان يرزقنا واياك شفاعته

ان شاء الله

ربي ايبارك في جهودكم

احسنتم كثيرا

لكم منا دعاء بالعافيه

ثبتنا الله واياكم
على ولاية امير المؤمنين ع

أبوعلي السعيدي
طيب الله انفاسك
وجزاك الله خيرا

الاخ الرائع
والشاعر الحسني
والقلم الموالي
السيد الشاعر عدنان الحمامي المحترم
قلمك لاينضب اتمنى لك الاستمرار والتقدم بحق من كان الحق
مروركم الكريم وتواجدكم في صفحتي شرف كبير
اعتز به وفقكم الله لكل خير

تحيات
اخوكم
ابو علي السعيدي