يابو العلم والانصاف..مدرسه لكل الاعراف؟لسيدي ومولاي الامام جعفر الصداق ع اقول؟

يابو العلم والانصاف..مدرسه لكل الاعراف
صادق علمنه...اليوم انهضمنه
بسيد شباب الاشراف


علمك من علم النبي..يبن البتول ونعمين
اتوارثت من علم الوصي..حيدر علي والسبطين
اسست روضه للعلم..تغترف منه الصوبين
جم علم والمذهب بقه..اسنين يابعد اسنين

بدرسك حضرنه..بنورك تسرنه
ياكامل انت الاوصاف

من ماي حيدر هالعذب..نتروي من نفس الكاس
الصادق الثبت هدى..واسس مدارس للناس
بيه الحكم والموعظه..وبيه العله والنوماس
وبيه الغيره والعزم..وبعلمه ارفعنه الراس

والعلم عدنه..ياهو النشدنه
بالعين علمك ينشاف

الاف جانت جاهله..وارتوت من هذا الجود
من بحر علمك ترتوي..وترد تروينه ارودود
ياجعفر الصادق صدق.. بالصدق انت المشهود
واعدت زقيت العلم..وانطيت ابلا مردود

ياهو السمعنه..بيك انرفعهنه
واسمعت هذا الهتاف

اليوم ننصب تعزيه..ونعزي قائمنه اليوم
والكلب يغطيه الحزن..والكلب صبح مهموم
والبسنه اثواب الحزن..للمات بيه ومسموم
تنوح شعيتكم غدت..وتناجي ربهه القيوم

وينزل دمعنه..كله ربعنه
ومصايب علينه ارداف

مهموم يالصادق صحت..وهاجت عليه احزاني
مولاي وشنعدي بقه ..ارجوك لا تنساني
عنواني للبيعه صرت..وانت التظل عنواني
اشكيلك اليوم بهظم ..ومر الهظم اذاني

من المر شبعنه..محد سمعنه
دارت علينه الالاف

خادم اهل البيت
ابو علي السعيدي

ابو علي السعيدي

احسنتم كثيرا

اسئل الله لكم النجاح والتوفيق في خدمة محمد وال محمد ص


احسنتم واحسن الله اليكم وربي ايزيد

في عطائك ان شاء الله

ابو علي السعيدي

احسنت واحسن الله اليك
كلمات غاية بالروعة

أحسنتم طيب الله انفاسكم شاعرنا المبدع
ابو علي السعيدي
على هذه الابيات الرائعة
كتبها الله لكم في سجل الحسنات
تقبل مروري
ولكم مني اعبق التحايا

الاخ الرائع
الشاعر الحسيني السيد
عدنان الحمامي المحترم
مروركم الكريم اسعدني وكلمات الاطراء الجميل
وفقكم الله لكل خير
تحيات
اخوكم
ابو علي السعيدي

الاخت الفاضله
خادمة الشفيع المحترمه
سيدة الحرف الجميل والقلم الندي
بارك الله فيكم وجعلكم من اخلص الموالين
مروركم الكريم والاطراء الجميل
وفقكم الله لكل خير
تحيات
اخوكم
ابو علي السعيدي