علي الوالي إمامي ( في مولد أبي الحسنيين عليه السلام )

بسم الله الرحمن الرحيم
اللهم صل على محمد وآل محمد وعجل فرجهم


علــــي الوالـــي إمامــــي ( في مولد أبي الحسنيين عليه السلام )
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
إمامــــي إمامــــي === على الوالي إمامي
يطيب إبهل مسيـّه === ذكـر حامي الحميــّه
على الوالي إمامي
ـــــــــــــــــــــــــــــــــــــــــــــــــ
نشم عـُطر الولاده اليوم فـوّاح
سمعنه الصوت بالأكوان من صاح
هـَلـَه إبــْجـَيـّة علي بيه المجد لاح
ولادة خير والمرسول مرتاح
هيامـــي هيامـــي === يظل عشگي إو هيامي
يــِسـِر سيد البريـّه === ذكر حامي الحميــّه
على الوالي إمامي
ـــــــ
والكعبه إبفرح تستقبل الجاي
تنادي ياهله إبنورك يمولاي
يربــّي لاتـِضــَيـّع فرحتي هاي
نادت فاطمه أمـّه يــَحـَمـّاي
سلامـي سلامـــي === على الحامي سلامي
مله الدنيه البهيـّه === ذكر حامي الحميـّه
على الوالي إمامي
ــــ
أحمد بالوصي الكرار موعود
وصيــّه ينولد بالبيت مشهود
أمل يملي الگلب من هـَلــّة الجود
والأفراح تملي الروح وإتزود
ظلامـــي ظلامـــي === علي يمحي ظلامي
يظل أعظم هديــــّه === ذكر حامي الحميــّه
على الوالي إمامي
ـــــ
حـُب حيدر أبد مـَنـْعوفـَه للدوم
ما ننساه مولانه ولايوم
ذكر حيدر دُوَه للصار مهموم
يزيل الهم أبو الحسنيين موسوم
مقامـــي مقامـــي === علي يرفع مقامي
يهل خيره عليـّه === ذكـر حامي الحميــّه
على الوالي إمامي
ـــــــ
حفلنه اليوم من أجلك يغالي
يبو الخيرات كـُلها والمعالي
مـُحبـّك سيدي ربحان تالي
مـُبغضك سيدي خسران خالي
كلامــي كلامـي === إلك يـِحـْله كلامي
يجيني بالمنيـــّه === ذكـر حامي الحميــّه
على الوالي إمامي
ـــــ
إذا عندك طلب إگصد لبو إحسين
بجاه المرتضه مايبگــه أي بين
ترد مسرور والدمعات بالعين
دمعات الفرح طيبات حلوين
مرامـــي مرامــي === رضا ربـّي مرامــي
رضا الله إو نبيــّه === ذكر حامي الحميــّه
على الوالي إمامي
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
مع تحيات شاعر اهل البيت / جابر النجفي
إسمعوا القصيده على هذا الرابط
http://www.wlidk.net/dldc9w87923.mp3.html

جابر النجفي

رزقنا الله واياكم شفاعة امير المؤمنين ع

وشفاعة الحسين ع

موضوع قيّم
رعاك ربي