الزهره من بعد عينك يجدي

(( الزهره من بعد عينك))

***************

الزهره من بعد عينك

بكسر الضلع آذوهه

*******************

غبت عنهه ودمعهه سال من دموم

البضعه أمكَدره وتعاني من هموم

حيَّرهه لفراك بغيبتك لليوم

يجدّي بهل المصيبه الكَوم يولوهه

**********

نهار ألِّي يمر بيهه ظلآم الليل

نحَّلهه البجي لاكَوَه بيهه وحيل

بجروان الد مع تغفه ومرار الويل

أعاينهه يجدّي ومايرحموهه

************

بنت دار الاحزان بدمعة اللوعه

تصبّح عالحزن والنوح مفجوعه

متريد الصبح لاشمسه لطلوعه

عن وجه الزجيَّه الشمس غيبوهه

************

أجوا عالباب بأحقاد وغضب كفار

جنهم مايعرفونه المنو بالدار

ونصاب الضلع ياجدّي بالبسمار

ياذونك قصدهم من يآذوهه

*************

محسن عمره ماتم لاشهد فجره

وكَع عالعتبه كَاظي بسبب هالعصره

ياذنب الجناه وصابته الغدره

وخذوا حكَهه يجدّي الروح سلبوهه

************

فاركَنه الحنان الجان يرعانه

بس ظيم الوكت العاش ويّانه

عله دارك يرحمه خيمت أحزانه

وكل عين بمرار اليوم بجّوهه

************

صدك هاي العزيزه البضعه منسيَّه

لاكَبر التزوره الشيعه يوميه

هاي أم النفس راضيه مرضيه

من شم الهوه العادوك حرموهه