نصيح بصوت كلحنه سويه؟الى ائمة البقيع والامام الصادق ع اقول

نصيح بصوت كلحنه سويه
صبح مسموم امام الجعفريه

صبح مسموم ياشيعه ولينه..وعل الفراش المنيه اموسيدنه
نصيح بصوت وبونه حزينه..عل الدنيه العفى هاي المسيه

عل الدنيه العفه مولانه مسموم.. صبح هالكلب مولانه مهموم
عل المذهب يشيعه كلنه انلوم..راح السند النه والحميه

راح السند النه جان عنوان.. بعلومه فتح اهواي بيبان
خل بالكلب بصوابه نيشان..ابن حيدر علي حامي الحميه

ابن حيدر علي ياصادق الدين..يالجدك علي وذريت الحسين
وافاضل عجيده انطه جفين..عليك تنوح كل هاي البريه

عليك اتنوح وتهل بدمعه.. وتصيح ابصوت ماكو احد سمعه
منهو اليوم بيكم هالفجعه..عمت عينه اللذي سماك اليه

عمت عينه وتشل ايده بعملته..شراد الظالم ويفعل فعلته
بعلمك سيدي ندري خذلته..اشرارالارض ماكو حميه

اشرار الخلك والناكر اثنين..مذهب هالولايه وابو الحسنين
بحبهم للمنيه احنه باقين..وننتظره يطل مهدي الدنيه

ننتظره يطل وبيده رايه..يحمله الموالي بكل ولايه
نسبح بالله ونقره الايه..ونصيح الحمد ربي عل الوصيه

خادم اهل البيت
ابو علي السعيدي