يبن الحسن يامنيتي؟لسان حال ام الامام القاسم ع توصي ولدها اقول؟

بسمالله الرحمن الرحيم

السلامعليكم ورحمةالله وبركاته
لااستشهادالامام القاسم ابنالامام الحسن(عليهم السلام) اقول؟؟


يبن الحسن يامنيتي..انت حلمي بدنيتي
يبن الحسن..يبن الحسن

اسنين يبني اترقبــك أياالولد..وايام يــبني مساهره وي المهد

تكبر ردتك عازتي تكون السند..دكيت ساسك بالوفه وصار الوتد
ياعظم يومك فرحتي..يبني مهجتي وسلوتي
يبن الحسن
عديت يبني بالعمر وايام راحت ويــاك..طلبيـت تعبي يالولد والتعب هدني برباك
عريس ردتك وزفتك واتحنه كون بحناك..وحسين يحضر بالعرس يتكله كلمن هناك
عريس ابني ولهفتي..ويشوف حاله حالتي
يبن الحسن

وصاك ابوك وصيته كبل الرحيل بيومه..وانطاك يبني هالحرز بركتبك معلومه
مكتوبه بيه وصيته يوم التشوف الحومه..وتشوف عمك وحده لاناصر ولاكومه
تزيد ونك ونتي..اتمثل انته خوتي
يبن الحسن

غدار يبني هالوكت بحسين وي انصاره..الاف كله بايعت خانت علي الغداره
وتشوف زينب تنسبي يبني تظل محتاره..اكعد يبن حامي الحمه سل سيفك وفقاره
وتصيح تندب شيعتي..راحو اخوتي ورجوتي
يبن الحسن

رديت يبني للوطن حال الغريبه حالي..رديت وحدي بلا ولد واتلفت عل الوالي
ظليت يبني اتنطرك العمر كله كبالي..بالجبد رسمك منطبع وماينمحي من بالي
تدري شجانت صيحتي..ياهو اليطيب علتي
يبن الحسن

خادم اهل البيت
ابوعلي السعيدي

السلام على الامام القاسم بن الحسن ع

ابو علي السعيدي

طابت انفاسك الولائية
قصيدة رائعة
بارك الله فيك