|
#1
12-06-2012, 06:04 PM
|
||||||||
|
||||||||
اي وحك جف الكفيل وعينه..مانهاب الموت احنه وجينه؟لسان حال زوار الامام الحسين ع اقول
أي وحك جف الكفيل وعينه مانهاب الموت احنه وجينه مانهاب الموت والجاري ويصير..مو اشد هاليوم من يوم السعير جينه يامولاي بيكم نستجير..من عذاب الصار احنه علينه العذاب الصار منج كربله..يوم ضحه حسين باطفاله وهله جينه للعباس احنه نساله..جوده وين ورايته وجفينه جوده وين ورايته ياحيدره..عالنهر ظلت اجفوف مبتره عن بطل هاشم سبع الكنطره.. وتدري يومك سيدي يااذينه ندري يومك سيدي يبجي السماء..تنوح حزنان عليك الانبياء انت ياخامس اصحاب الكساء..هذا يومك ابدا ماناسينه رادو ينسونه ذكرك ياحسين..وتنمحي من البال عملات السنين مادرو بينه يهز بينه الحنين..ننسه حيدر والسبط والينه شلون ننسه حسين وحسين النجاة..مايهمنه اللي جره من الطغاة لو تدير الدنيه من اربع جهات..هالدرب حتما الك ماشينه هالدرب نمشيه رغم الحاقدين..نرفع الرايات نصرخ ياحسين بالدموع السايله وحسره وانين..وندري بالزهره تجي تحيينه ندري بالزهره موجوده وتشوف..تعاين الزوار والكاصد يطوف من قضى طويرج تنظر للالوف.. تنظر بعين العطف تربينه تنظر بعين العطف لينه وتكول..ياهلا بزوار ابن فحل الفحول للنصر دين الله فرعه والاصول..بالسجل احنه تره مسجلينه الكصد لحسين مفتوح السجل..يمشي ليل نهار ابدا مايمل والعيون تواسي بالممشه وتهمل.. باسم ابو اليمه تره مقيدينه خادم اهل البيت ابو علي السعيدي 
|
|
12-06-2012, 11:00 PM
|
#2 | |
|
المراقبين
|
عطر الله انفاسك شاعرنا القدير وبارك الله فيك
|
|
|
اللهم صلِّ على محمد وعلى آله الطيبين الطاهرين
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض العادي
|
|
|
|