تدري ياسجان اشصار بحالي..شفت اخوي ومن ذبحته اكبالي؟الى اولاد مسلم ع اقول؟

تدري يا سجان اشصار بحالي
شفت اخوي ومن ذبحته اكبالي

شفت اخوي وبيدك تحز النحر
من مشينه وياك ولجرف النهر
تعرف الصاير بيه من القهر
شاب كلبي وانهرش دلالي

شاب كلبي وانجر ح خويه الدليل
واصبحت مهموم بعدك جن عليل
كتله ياذباح ماتحمي الدخيل
وانه بدارك دخلت ليالي

بالله ياسجان من عدنه شتريد
من تقيدنه بدينه بالحديد
ماتخاف الله انت من الوعيد
ماتخاف الله ابدا متبالي

ماتخاف الله يامجرم لعين
من ذبحت اطفال جانو مقيدين
مارعيت الباري ولزغر السنين
من كمت بالسيف تكطع اوصالي

من ذبحت اطفال وبعمر الورود
عرضو عليك الدراهم والوعود
من رسلت العبد حسبالك يعود
بيده الروس ويجي من تالي

عاف هالمجرم عبر صوب النهر
ومثله باافعاله ابنه من عبر
صاح صوت وليهم الوجه بكدر
ذبح بيدي وهذا هم يحلالي

تقدم الحارث وبصوته يصيح
الفعل خنزير والوجه القبيح
منهو الرايد اولكم ذبيح
عود بس بهاي من شارالي

شفته بعيني اخوي عل الذبح
وعينه تبره عليه وبعينه يشبح
كلبي هاج عليه بس كام يطفح
وعزفت لحن الحزن موالي

رجع صوبي وحز من عندي الوريد
يمي شفته اهناك جثته هالشهيد
كام بيه يكرر وليه يعيد
مارضه يرده عليه سؤالي

خادم اهل البيت
ابو علي السعيدي

ربي ايبارك في جهودكم

احسنتم كثيرا

اسئل الله ان يجعلنا واياكم من الحافظين لكتابه ان شاء الله



عظم الله اجوركم واجورنا بمصاب ابي عبد الله الحسين ع

لكم منا دعاء بالعافيه

والتوفيق ان شاء الله

تحياتي ودعائي

الاخ الفاضل
الشاعر الحسيني الكبير
السيد عدنان الحمامي المحترم
قلمكم الموالي المتابعه لمن يسر في ركب الحسين ع
جزام الله اجر فعاله من المحسنين وتقبل الله منكم الاعمال في ميزان الحسنات
وادعو من الله ان يجعلكم من المطالبين بثار الامام الحسين ع
جعلنا الله وياكم من الحافظين والذائبين والمطالبين في دم سيد الشهداء ع
مع تحيات
اخوكم
ابو علي السعيدي