شلون ياعين الكلب..شوفي جم موقف صعب؟الى سدي ومولاي الامام الحسين ع اقول؟

شلون ياعين الكلب..شوفي جم موقف صعب
نهر من صب الدمع..والكلب ظل منصدع
يوم فاركتي المحب

انتي شفتي اللي جره..وانتي حستي العذاب
جم طفل ملهوف ضايع..وينلجم كلب الرباب
قصة الطف العجيبه..تبجي شيب وي الشاب
شلون بيه نعين زينب..يوم نذكر هالمصاب

ذوب انت وي الشمع..وي ادموع الربع
وصيح صوت وانتحب

لاتلوم انت وتعاتب..لوشفت واحد يصيح
خل ارويك روايه..وهاي لسيدن المسيح
اول العباد كلهه..يظل مهموم وجريح
يطلع يطالب بدمه..يصيح يثار الذبيح

يصير قائد للجمع..يصيح ياحكم الشرع
اليوم خل دمنه يصب

شما يدور الزمن بينه..وتنفني كل الحياة
ولومشيت وشفت كلشي..وسايرت كل الجهات
لابد تزول الدنيه..وتوصل انت للمات
العمل باقي يمسلم..يركبك سفن النجاة

وبيه مبعوث ورجع..مثل نبته وتنشلع
عليمن انته تنحسب

خل تراويك الحياة..لذت العيش برغد
وتنطبق امثال كثره..بيه من جد وجد
وتنحسب افعال اديك..وينكتب بيه العدد
ولو حضر نكر ونكير..تعرفه منهو السند

حبه بالكلب انطبع..يزيل عنك كل وجع
اسمه جالماي العذب

عمر كله اكبال عيني..اسمه ميفارك خيالي
تلكه اسمه بكل مكان..بشارع وبيتي وعيالي
هو طعم الشهد اسمه..وغير اسمه ماحلالي
اسئلت رايد مجيب..وجاوب انته عن سؤالي

أي وحق رب الشفع..مانغيره احنه الطبع
شماجرى علينه الخطب

تعلكت روحي وهوتهم..وي روح امي وجنين
بيه زرعت شجره طيبه..شجره من غصن الحسين
تكلي يايمه هويته..واطلبت منه السنين
خادمه وابقى حياتي..ومنه يايمه الحنين

هوه يايمه النبع..ولينه ايروفه الصدع
غيره منهو اليندب

خادم اهل البيت
ابو علي السعيدي

احسنت كثيرا
قصيدة جميلة
أبو علي السعيدي
عطر الله انفاسك
دوم للخدمة الحسينية

رزقنا واياك العافيه

ان شاء الله

ابو علي السعيدي
رعاك ربي
و

الاخ الفاضل
الشاعر الحسيني الكبير
السيد عدنان الحمامي المحترم
قلمكم الموالي المتابعه لمن يسر في ركب الحسين ع
جزام الله اجر فعاله من المحسنين وتقبل الله منكم الاعمال في ميزان الحسنات
وادعو من الله ان يجعلكم من المطالبين بثار الامام الحسين ع
جعلنا الله وياكم من الحافظين والذائبين والمطالبين في دم سيد الشهداء ع
مع تحيات
اخوكم
ابو علي السعيدي