احلى كلمتين -- للشاعر ناظنم الفضلي آل كيرّم

#1 03-21-2012, 09:59 AM

الشاعر ناظم الفضلي ال كريّم

احلى كلمتين * خادم الحسين
افتخر يوم القيامة – خادم الحسين
ـــــــــــــــــــــــــــــــ
للخدم عترة محمد هذي بشارة – بالحشر شافعنه احمد ربك اختاره
فايز اليخدم حسين ويطلب بثاره – وياخذ كتابة بيمينه وينعم بداره
لصاحب اليمين – ياخذ الحسين
يمشي والجنة ختامه – خادم الحسين
ـــــــــــــــــــــــــــــــ
الخدمة للعترة الزكية هي شي غالي – شكد متخلص في خدمتك توصل العالي
الخدمة موبس اني اطبخ وابذل اموالي – واني جاهل بالاخدمه واتعب لحالي
الخدمة مو كلام – ولا طبخ طعام
يلتزم منهج امامه – خادم الحسين
ـــــــــــــــــــــــــــــــ
اخدم حسين من اطبق ما امر ديني – واشرح لهالناس فكري وكل مضاميني
واقبل من اللي نصحني كلمة تهديني – تغذية روحية زاد لروحي يكفيني
بهذا الانسجام – يفرح الامام
ويه الاخوان انسجامة – خادم الحسين
ـــــــــــــــــــــــــــــــ
نية الخادم كفيلة بكل عمل ينجح – وماكو داعي بهالقضية اكتب واشرح
واليريد يسر امامه والكلب يفرح – مايصير لسانه سيف وبالخلك يذبح
ويخلط الحرام – بخدمة الامام
هذي ماتضمن سلامة – خادم الحسين
ـــــــــــــــــــــــــــــــ
اكو بعض الناس جاي يقيم الخادم – كلي منهو انطاك رخصة تزكي الوادم
خادم حسين بمكانه ربي العالم – وبعده الحسين اليقيم بعده القائم
خادمك جبير – كالبدر منير
انته بس تعرف مقامه – خادم الحسين
ـــــــــــــــــــــــــــــــ
عالقضية بهالقصيدة عندي اكو شاهد – شخص مصلح ادى دور الخادم الرائد
شيخ جاسم هالحسيني عالخدم قائد – والنكر هذا كلامي للفضل جاحد
راسخ اليقين – بخدمة الحسين
ماتهمه اهل الملامه – خادم الحسين
ـــــــــــــــــــــــــــــــ
لخادم المنبر الحسيني
ناظم الفضلي الكربلائي
15\011

03-21-2012, 10:03 AM

جميله هي
المفردات الولائيه النابعه من قلب موالي مخلص
لمحمد وال محمد ص
احسنت ووفقت ان شاء الله

ناظم الفضلي آل كريّم

لكم منا دعاء بالعافيه

والتوفيق في خدمة الزهراء وبنيها ع

احسنتم واحسن الله اليكم