#1
|
|||||||||
|
|||||||||
للزهراء ع -- دوروا يشيعه بطيبه من تلگوني
.. المستهل ... دوروا يشيعه بطيبه من تلگوني يم الحسين بمرقده نقلوني وليلة الجمعه بكربله زوروني ........ يالذي بلهفه عليه أمضيعين آثاري حسره بيكم ادري حسره لو وصلتوا ادياري أويه الگبر ضاعت عليكم من دهر أخباري گبر مايلگون اليه لو أجوا زواري ضيعت گبري وياهوا اليدليكم شيعتي وأعرف هالحنان البيكم بمال وبنين بكل وكت تفدوني ........ بكربله يم الحسين اهناك يصبحلي گبر حتى كل زاير يزور حسين من يمي يمر وبليالي الفاطميه اتصير چن ليلة قدر وآنه اسمع كل لطمكم من تلطمون الصدر يالزهره أحاه صوتكم يعتلي للنجف خلي الصوت يوصل علي نادوا يمظلومه والي سمعوني ....... كل خميس بكربلاء ايصير يوم ازيارتي صحن عندي وعندي گبه من ذهب ومنارتي توسع الكل اليجوني للزياره حضرتي وللحزن تنصب مآتم يمي تحظر شيعتي مظلومه أم مظلوم آنه الزهره ضلع الحسين وضلعي ماصح جبره واسوني بدموع الحزن واسوني ........... من كثر ظيم العليه امن الصحابه اتحذرت منهم احملت المآىسي وعالمآسي أتصبرت بدار حزني بالمناحه ليلي ونهاري صرت الفگد أبويه أبچي مدري الحالتي أبچي حرت ميراثي مني سلبته النواصب ألمّيت ظميره من أله يحاسب أبچي أعله أبويه أمن البچي منعوني ........ مايخاف الله الچبير البيهم أو لايحترس حرّض اعلينه العصابه وصار واحدهم رجس بيهم النازع احساسه وماله وجدان ويحس غصب حق الچفه ردها شلون مرتين الشمس تآمروا ضدنه ومن علي غصبوها وذيچ الوصايا امن النبي نكروها للدار وابابي أجوا عصروني ............. صرت من اتنفس آنه ايگوم يلچمني الضلع وگمت أتمنه أويه أبويه شملي وياه ينجمع والبواچي بالمدينه أمن أبچي صوتي ينسمع ودعت عمري وحياتي جفني متروس بدمع وصيت حيدر گبل ميودعني ياعلي بليل اظلم الي شيعني من گبل ماعنهم أغمض أعيوني ... سيد عدنان الحمامي |
|
|
|