ام البنين ع -- آنه ام البنين بنوح خلنّي

سلام عليكم

--

--

--

آنه أم البنين ابنوح خلنّي -- وين حسين فگد حسين دوهنّي

--

وين حسين ليش أويه الظعن ماجاي -- بس ايتام نظرت للظعن عيناي

احس جمرات فگده اتواگدت بحشاي -- وأحس بالروح هالجمرات يجونّي

--

يچوني سمعت الناعي من ينعه -- وعله أخدود اليتامه يابسه الدمعه

متوقعه أشوف حسين متوقعه -- وبشوفة حسين اظنوني خيبنّي

--

خيبني الظنون الچانت اتنطره -- حسبالي أشوفه ارويحة الزهره

والعباس يحدي برايته الخضره -- شو بس الارامل اجن روعنّي

--

روعنّي الارامل واليتامه بنوح -- وخبروني الگمر بالطف بقه مذبوح

گلتلهم لخوه حسين فدوه ايروح -- بس حسين سالم كون بشرنّي

--

خبروني بنينچ بالطفوف اجساد -- فدوا برواحهم لحسين ابو السجاد

وبغير الارامل هالضعن ماعاد -- وصرخات اليتامه اسمعت عذبنّي

--

عذبنّي الحراير تنعه ولياها -- لارايه البني هاشم أكو اوياها

مثل صب المزن من تهل عيناها -- ومن ظيم العليهن شفت بچنّي

كلمات رائعة بحق

مولاتي ام البنين

سيدنا بارك الله فيك

جميل جدا جدا جدا جدا سيدنا الجليل

ماكنبت في حق قاضيه الحوائج

ام البنين روحي لها الفداء

وسئل الله لكم ان يسهل الله امروكم


وان يحشركم مع محمد وآل محمد ص